டீன் ஏஜில் தமன்னா!

சினிமாவில் பதினான்காவது ஆண்டை கொண்டாடுகிறார் ‘ஆக்‌ஷன்’ குயின் தமன்னா!‘‘ரொம்ப சீக்கிரம் பதினாலு வருஷங்கள் ஆன மாதிரி தெரியுது. காலம் அவ்ளோ வேகமா ஓடுது. என் கேரியரில் ‘பாகுபலி’, ‘சைரா’ மாதிரி பீரியட் ஃபிலிம்களும், நல்ல படங்களும் பண்ணியிருக்கேன்னு ஒரு மன நிறைவு இருக்கு. பேஸிக்கலி நான் மும்பை பொண்ணு. சினிமாதான் என் கேரியர்னு செலக்ட் பண்ணின பிறகுதான் டோலிவுட், கோலிவுட் இண்டஸ்ட்ரி இருக்கற விஷயமே தெரிய வந்தது!

இங்க அதிகப் படங்கள் பண்ணுவேன்னு நினைச்சுக் கூட பார்த்ததில்ல. என் டீன் ஏஜ் காலகட்டத்துல தென்னிந்தியாவுலதான் அதிக வருஷங்கள் செலவிட்டிருக்கேன். தமிழ், தெலுங்கில் பேசக் கத்துக்கிட்டேன். மும்பை பொண்ணு என்கிற எந்த அடையாளமும் என்கிட்ட இல்லைனு மும்பை ஃப்ரெண்ட்ஸ் சொல்லுவாங்க!

இந்த இண்டஸ்ட்ரியில இன்னும் ஏதாவது புதுசு புதுசா பண்ணிட்டே இருக்கணும்ங்கற தேடல் நிறையவே இருக்கு. இத்தனை வருஷ அனுபவத்தில் இங்கே நாம என்ன பண்ணிட்டிருக்கோம்னு கொஞ்சம் புரிஞ்சுக்க முடியுது...’’ ஃப்ரெஷ்ஷாக புன்னகைக்கிறார் தமன்னா‘‘தமிழ்ல என் மனசைத்தொட்ட படங்கள் நிறைய இருக்கு. ‘பையா’ இதயத்துக்கு நெருக்கமான படம். ‘தர்மதுரை’ மறக்க முடியாத படம். தமிழ்ல நான் அறிமுகமான ‘கல்லூரி’யைப் பத்தி இன்னமும் பேசிட்டே இருக்காங்க. ஷூட்டிங் போற இடங்கள்ல என்கிட்ட பலரும், ‘கல்லூரி மாதிரி படங்கள் நிறைய பண்ணுங்க’னு சொல்வாங்க. கேட்க சந்தோஷமா இருக்கு.