காய்கறி வாங்கிக்கொண்டு நாகராஜன் வீட்டுக்குள் நுழைந்தார்.அவரைக் கண்டதும் கமலாவுக்கு கும்பிடப் போன தெய்வம் குறுக்கில் வந்தது போல்  இருந்தது. கண்களில் நீர் மல்க ‘‘குழந்தை ரெண்டு நாளா வயத்துவலினால அழுதுகிட்டே இருக்கு தாத்தா. மருந்தும் குடுத்துட்டேன். அப்படி இருந்தும்  சரியாகல. எனக்கு என்ன பண்றதுனே தெரியல.... நீங்கதான் ஒரு நல்ல வழிய சொல்லணும்...’’ என்றபடி கையெடுத்துக் கும்பிட்டாள். 

‘‘ரொம்ப சின்ன  விஷயம்மா. இதுக்கு எதுக்கு கையெல்லாம் குவிக்கிற..? கொஞ்சம் குழந்தையை இங்க குடு...’’ நாகராஜன் கேட்டார்.‘‘நம்ம கண்ணன்தான் குழந்தையை  சமாதானப்படுத்தறேன்னு வைச்சுட்டு இருந்தான்... கண்ணா...’’ நாகராஜனின் மனைவி ஆனந்தவல்லி குரல் கொடுத்தாள்.‘‘என்ன பாட்டி...’’ என்றபடி குழந்தையுடன் கண்ணன் பக்கத்து அறையில் இருந்து வந்தான்.