ஆனால், அன்பையும், அறநெறியையும் போதிக்கும் பகவானுக்கு எதற்கு சுரங்கவீடு, ரஜனீஷ்புரத்தில் என்ன போரா நடந்துகொண்டிருந்தது என்பதைப் போன்ற கேள்விகள் உங்களுக்கு எழலாம்.

ஆமாம். கிட்டத்தட்ட போர்தான் நடந்துகொண்டிருந்தது.அமெரிக்க அரசு, அறிவிக்கப்படாத ஒரு போரை ரஜனீஷ்புரம் மீது கட்டவிழ்த்து விட்டிருந்தது. நேரடியாகத் தாங்கள் தலையிடாத மாதிரி காட்டிக்கொண்டாலும் உள்ளூர் மக்களை ரஜனீஷ்புரத்துக்கு எதிராக அணிதிரட்டி போராட வைத்துக் கொண்டிருந்தது.

எனினும், ஒரேகான் மாகாணத்தில் பண்ணைத் தொழிலில் ஈடுபட்டு வந்தவர்களையும், அவர்களிடம் பணியாற்றும் பணியாளர்களையும் அரசியல்வாதிகள் ஏகத்துக்கும் பயமுறுத்தி வைத்திருந்தார்கள்.

எனவே, பண்ணையில் வேலை பார்க்கும் கவுபாய்கள், ‘நெருக்கடி’ ஏற்படும் பட்சத்தில் போருக்குத் தயாராக இருந்தார்கள்.அவர்களுக்கு தாராளமாக துப்பாக்கிகள் சப்ளை செய்யப்பட்டன. குறி பார்த்துச் சுடுவதற்கு ஏதுவாக ரஜனீஷின் படம் அச்சிடப்பட்டிருந்த போஸ்டர்கள் வழங்கப்பட்டன.

“இதைப் பற்றியெல்லாம் நீங்கள் கவலைப்படாதீர்கள். புதிய மனிதனை உருவாக்கும் இலட்சியத்தில் நீங்கள் உறுதியாக நில்லுங்கள்!”

இந்த காலக்கட்டத்தில் ஷீலாவின் தொனி நிறையவே மாறியிருந்தது.தன்னை ‘பகவான் 2.0’ என்கிற மாதிரியாகவே அவர் நினைத்துக் கொண்டார். முன்பெல்லாம் ஒரு வேலை ஆகவேண்டும் என்றால் கோரிக்கைதான் வைப்பார். இப்போதோ ஆசிரமத்தில் அனைவருக்கும் உத்தரவிட ஆரம்பித்தார்.

ரஜனீஷ்புரம் அமெரிக்காவில் அமைக்கப்பட்டபோது அவர் அதிபராக இருந்தது, பகவானுக்கு பெரும் பின்னடைவாக ஆகிப்போனது. ஆன்மீகத்தில் புதிய, புரட்சிகரமான கருத்துகளை பகவான் சொல்லிவந்ததை பழமைவாத ரீகனால் ரசிக்கமுடியவில்லை.ரஜனீஷ்புரத்தில் என்னென்ன விதிமுறைகள் மீறப்படுகின்றன, சட்டத்தை எப்படி அவர்கள் வளைக்கிறார்கள் என்று கண்டறிந்து அறிக்கை தருமாறு கிட்டத்தட்ட இருபது அமைப்புகளுக்கு ரகசியக் கட்டளை இட்டிருந்தார் ரீகன்.

ஒரு சிறிய வாய்ப்பு கிடைத்தால் போதும், பகவானையும், அவரது பக்தர்களையும் ஒட்டுமொத்தமாக காலி செய்துவிடலாம் என்று மீனுக்குக் காத்திருக்கும் கொக்கு மாதிரி காத்திருந்தார்.

“இதெல்லாம் நல்லதுக்கு இல்லை. பகவான்தான் நம்மை காப்பாத்தணும்...” என்று சில அமைதி விரும்பிகள் பகவான் காதுபடவே சொன்னார்கள்.அதன்பிறகுதான் ஷீலாவைக் கட்டுப்படுத்த ஓஷோ முயற்சித்தார்.“ஷீலா, நாம் வன்முறையாளர்கள் அல்ல.

நாம் ஆயுதம் ஏந்த வேண்டியது காலத்தின் கட்டாயமே தவிர, நமக்கு அதிகாரப் பசி இல்லை. இதை அமெரிக்க அரசுக்கும், மக்களுக்கும் தெளிவுபடுத்த வேண்டியது நம்முடைய கடமை. நம்மில் ஆயுதம் ஏந்தும் யாரும் கோபத்தோடு ஏந்தவில்லை. எவரையும் காயப்படுத்தும், உயிரெடுக்கும் நோக்கம் நமக்கு இல்லை...” என்றார்.