வெளிநாட்டில் படிக்க ஸ்காலர்ஷிப்!

வெளிநாட்டில் படிக்கும் ஆசையுடன் இருக்கும் மாணவர்களுக்கு உதவித்தொகை வழங்க பல்வேறு அமைப்புகள் உள்ளன.

சீனாவுக்குப் பின் இந்தியாவிலிருந்துதான் அதிக மாணவர்கள் வெளிநாடுகளுக்குச் சென்று படிக்கிறார்கள். ஆனால், அவர்களுக்கு பெரிய பிரச்னையாக இருப்பது அதற்கு ஆகும் செலவுதான். வெளிநாட்டில் மேற்படிப்பு படிக்க வேண்டும் என கனவு காணும் மாணவர்களுக்கு பல்வேறு நாடுகள் நல்ல உதவித்தொகையுடன் சிறப்பான வரவேற்பைத் தருகின்றன.

Fulbright Scholarship என்ற பெயரில் அமெரிக்காவில் படிக்க ஆண்டுதோறும் ஏறத்தாழ 4000 வெளிநாட்டு மாணவர்களுக்கு அந்நாடு வாய்ப்பளிக்கிறது. குறிப்பாக இந்திய மாணவர்களுக்காக Fulbright-Nehru, Fulbright-Kalam போன்ற ஊக்கத்தொகை திட்டங்கள் உள்ளன. ஒவ்வொரு ஆண்டு பிப்ரவரி மாதமும் இத்திட்டங்களின் கீழ் மாணவர்கள் தேர்வு செய்யப்படுகின்றனர்.

மேலும் விவரங்களுக்கு, http://www.usief.org.in/Fellowships-for-Indian-Citizens.aspx

Rotary Peace Fellowship என்ற பெயரில் அமெரிக்காவின் வடக்கு கரோலினா பல்கலைக்கழகத்திலும் டியூக் பல்கலைக்கழகத்திலும் படிக்க 100 மாணவர்கள் தேர்வு செய்யப்படுகிறார்கள். இதில் 50 பேர் முதுநிலை பட்ட மேற்படிப்பு மற்றும் ஆய்வுக்கும் 50 பேர் சான்றிதழ் படிப்புக்கும் தேர்வு செய்யப்படுவார்கள்.

மேலும் விவரங்களுக்கு, https://www.rotary.org/myrotary/en/get-involved/exchange-ideas/peace-fellowships

Humphrey Fellowship என்ற பெயரில் பணி அனுபவம் உள்ளவர்களுக்கான சான்றிதழ் படிப்புகளுக்கு, மாணவர்கள் தேர்வு செய்யப் படுவார்கள். இளநிலை பட்டம் பெற்று, 5 ஆண்டுகள் முழுநேரப் பணி அனுபவம் இருப்பவர்கள் இதற்கு விண்ணப்பிக்கலாம். மனித உரிமைகள், இதழியல், தொடர்பியல், பொருளாதாரம் என பல துறைகளில் வாய்ப்புகள் உள்ளன.

மேலும் விவரங்களுக்கு, https://www.humphreyfellowship.org/program-fields

Bat and Ball Game Women’s Sports Scholarship என்ற பெயரில் விளையாட்டில் சிறந்து விளங்கும் மாணவிகளுக்கு அமெரிக்காவின் பல பல்கலைக்கழகங்கள் உதவித்தொகையுடன் இடம் அளிக்கின்றன. தேர்வாகும் மாணவிகள் 1000 டாலர்கள் வரை உதவித்தொகையுடன் அமெரிக்காவில் படிக்கலாம்.
மேலும் விவரங்களுக்கு, https://batandballgame.com/scholarship/