இந்திய மக்கள் தொகையும் இந்த காரின் விலையும் ஒன்று!

இந்திய நாட்டு மக்கள் ஒவ்வொருவரும் தலா ரூபாய் ஒன்று கொடுத்தால் இந்தக் காரை வாங்க முடியும்!யெஸ். புகாட்டி நிறுவனம் சமீபத்தில் தயாரித்துள்ள காரின் விலை ரூ.132 கோடி!பிரான்ஸைச் சேர்ந்த புகாட்டி (Bugatti), விலை உயர்ந்த கார்களைத் தயாரிப்பதற்காகவே பிறவி எடுத்திருக்கும் நிறுவனம்! இதன் வயது 110. யெஸ். 1909ம் ஆண்டு பிறவி எடுத்த புகாட்டி, தனது 110வது பர்த்டேவை கொண்டாடும் விதமாக La Voiture Noire என்ற சூப்பர் காரை சமீபத்தில் தயாரித்துள்ளது.

சுவிட்சர்லாந்து நாட்டிலுள்ள ஜெனீவா நகரில், புகழ்பெற்ற ‘2019 ஜெனீவா மோட்டார் ஷோ’ (2019 Geneva Motor Show) சில மாதங்களுக்கு முன் நடைபெற்றது. அங்குதான் La Voiture Noire சூப்பர் கார் முதல் முறையாக உலகுக்கு காட்டப்பட்டது.இன்றைய தேதியில் இதுதான் உலகின் காஸ்ட்லியான கார். எனவே கண்டமேனிக்கு இதை அவர்கள் தயாரிக்கவில்லை.

‘ஒண்ணே ஒண்ணு கண்ணே கண்ணு’ என ஒரேஒரு காரைத்தான் உருவாக்கியிருக்கிறார்கள். இந்தக் காரில் 8.0 லிட்டர் டர்போசார்ஜ்டு டபிள்யூ 16 இன்ஜின் பொருத்தப்பட்டுள்ளது என்பது ஹைலைட். மணிக்கு அதிகபட்சமாக 260 மைல்கள் வேகத்தில் பறக்குமாம். இது 2 டோர் கூபே ரகத்தைச் சேர்ந்த கார் என்றாலும் லிமோஸின் ரக கார்களின் சொகுசு, ஹைப்பர் ஸ்போர்ட்ஸ் கார்களின் சக்தி என காக்டெயில் ஆக்கியிருக்கிறார்கள்.