கல்லறை தொழில்நுட்பத்தை கண்ட இந்தியா மிஷன் சக்தி

புதிதாக ஒரு வார்த்தையை மக்கள் மத்தியில் புழக்கத்துக்குக் கொண்டு வர எத்தனையோ வழிமுறைகள் இருக்கின்றன.

அவற்றில் ஒன்றைப் பயன்படுத்தி இப்போது துல்லிய தாக்குதல், புல்வாமா, பாலக்கோட், அபிநந்தன் வரிசையில் ‘மிஷன் சக்தி’ என்ற சொல்லை மக்கள் பயன்பாட்டுக்கு அறிமுகப்படுத்தி இருக்கிறார்கள்! கடந்த மார்ச் 27ம் தேதி பிரதமர் மோடி ‘மிஷன் சக்தி’ குறித்து அறிவித்ததும் அது நடத்தை விதிமீறலா என்று தேர்தல் கமிஷன் விளக்கம் கோரியது, நாட்டின் ரகசியத்தை வெளியிட்டது தவறு என்று எதிர்க்கட்சிகள் சாடியது, ேதர்தல் தோல்வி பயத்தில் ஆளும்தரப்பு ஏற்கனவே உள்ள விஷயத்தை பகிரங்கமாக அறிவித்திருக்கிறது... என்று பல விமர்சனங்கள் வெவ்வேறு கோணங்களில் முன்வைக்கப்பட்டன.

இத்தனை விஷயங்களுக்கு மத்தியில் ‘மிஷன் சக்தி’ திட்டத்ைத செயல்படுத்திய இந்திய விண்வெளி மையத்துக்கு ஒரு ‘கிரேட் சல்யூட்’ வைக்க வேண்டும். காரணம், உலக நாடுகளின் வரிசையில் ‘எலைட் சூப்பர் கிளப்’ எனப்படும் அமெரிக்கா, ரஷ்யா, சீனாவுக்கு அடுத்து 4வது இடத்தை இந்தியா பெற்றிருப்பதாக பிரதமர் மோடி கூறியிருக்கிறார்.

சரி, ‘மிஷன் சக்தி’ என்றால் என்ன? அதனால் நமக்கு என்ன பயன்?  

‘இல்லறமின்றி கூட வாழ்ந்துவிடலாம்; இணையம் இல்லாமல் வாழமுடியாது’ என்ற நிலைக்கு தள்ளப்பட்ட நமக்கு, ஆன்லைன் வழியாக தொலைத் தொடர்பு சேவைகள் எங்கிருந்தெல்லாம் கிடைக்கிறதோ அங்கெல்லாம் செயற்கைக்கோள்களின் பங்களிப்பு உள்ளது. மட்டுமல்ல; தேசப் பாதுகாப்பு முக்கியத்துவம் வாய்ந்த இராணுவ தகவல் தொடர்புகளுக்கும், ஏவுகணை செயல்பாடுகளுக்கும் செயற்கைக்கோள்கள் முக்கியத்துவம் பெறுகின்றன.

இப்போதெல்லாம் ஒரு நாட்டைத் தாக்க வேண்டுமானால், அந்நாட்டின் இராணுவ நிலைகளையோ, முக்கிய கட்டடங்களையோ தாக்க வேண்டியதில்லை. நேராக அந்த நாட்டின் செயற்கைக்கோள்களைத் தாக்கினாலே போதும். தொலைத்தொடர்புகள் துண்டிக்கப்பட்டு அந்நாடே ஸ்தம்பித்துவிடும். இதற்கு, அந்நாட்டால் இராணுவ பதிலடி கொடுக்க முடியாது.

தரைப்படை, விமானப்படை, கடற்படை வரிசையில் 4வது இடத்தில் விண்வெளிப் படையை வல்லரசு நாடுகள் வைத்துள்ளன. இவற்ைறக் கொண்டுதான் உலக மகா தீவிரவாதிகளைெயல்லாம் போட்டுத் தள்ளுவதுடன், பிறநாட்டின் பாதுகாப்பு தொடர்பான அசைவுகளையும் கண்காணிக்கின்றன.

மேற்கண்ட நான்குக்கும் முத்தாய்ப்பாக 5வது தளமாக இணையவழி சைபர் பாதுகாப்புக் குழுக்கள் இயங்கிவருகின்றன.சமீபத்தில் இந்திய பாதுகாப்பு ஆராய்ச்சி மற்றும் மேம்பாட்டு நிறுவன (டிஆர்டிஓ) விஞ்ஞானிகளால் வடிவமைக்கப்பட்ட ‘மிஷன் சக்தி’ ஏவுகணை(A-SAT), விண்வெளியில் இருக்கும் செயற்கைக்கோள் ஒன்றைச் சுட்டு வீழ்த்தும் சோதனையை வெற்றிகரமாகச் செய்து பார்த்தது. இது, பல நாடுகளின் புருவத்தை உயர்த்தி உள்ளது.

சூரிய மண்டலத்தில் பூமியைத் தனது சுற்றுப் பாதையில் சுற்றிவரும் வளிமண்டலக் கோள்களை `இயற்கைக் கோள்கள்’ என்கிறோம். இதற்கு மாறாக மனிதனால் உருவாக்கப்படும் கோள்கள், தமது சுற்றுப் பாதையில் சுற்றிவந்தால் அைவ‘செயற்கைக் கோள்கள்’.

இயற்கையான கோள்கள் தமது வேலையை சரியாகச் செய்து கொண்டிருக்கின்றன. ஆனால், மனிதனால் செயற்கையாக உருவாக்கப்பட்ட கோளானது விண்வெளியில் சில ஆண்டுகள் மட்டுமே பயணத்தைத் தொடர முடியும். பின்னர் நிர்ணயிக்கப்பட்ட காலத்தை அவை முடித்துக்கொண்டு, அவற்றின் சுற்றுப் பாதையைவிட்டு இறக்கிச் செயலிழக்க வைக்கப்படும் அல்லது அழிக்கப்படும்.