சூப்பரோ சூப்பர்!
ரீடர்ஸ் கிளாப்ஸ்!
எப்படி இருக்கிறார் புன்னகை அரசி என்று கேட்டு கே.ஆர்.விஜயா பற்றி ஒரு மினி பயோகிராபியை தந்து அசத்தி விட்டீர்கள். உமக்கு புன்னகைகளும், பூங்கொத்துகளும் உரித்தாகட்டும். - த.சத்தியநாராயணன், அயன்புரம்.
நடுப்பக்க மேட்டில் ஏறி, பள்ளத்தில் விழுந்துவிட்டேன். இன்னும் மீளவே முடியவில்லை. - கவிஞர் கா.திருமாவளவன், திருவெண்ணெய்நல்லூர்.
சரோஜாதேவி பதில்கள் சூப்பர் என்றால், அதற்கு லே-அவுட்டுக்கு தேர்ந்தெடுக்கும் படங்கள் சூப்பரோ சூப்பர். - விஜயராகவன், பழனி.
கடைசிவரை ஹீரோயினாக மட்டுமே நடிப்பேன், வில்லியாக நடிக்க மாட்டேன் என்கிற இந்துஜா ரவிச்சந்திரனின் கொள்கைக்கு ஒரு சல்யூட்! - கே.நடராஜன், திருவண்ணாமலை.
ரொம்ப சுமாரான படங்களைக்கூட தாக்கி வீழ்த்திவிடாமல் தாங்கி தட்டிக் கொடுத்து விமர்சிக்கும் ‘வண்ணத் திரை’யே நீ வாழ்க! - சங்கீத சரவணன், மயிலாடுதுறை.
முன்னட்டை மற்றும் பின்னட்டை சந்தனா, சும்மா சந்தனக்கட்டை கணக்காக பார்க்கும்போதே மணக்கிறார். - எம்.சேவுகப்பெருமாள், பெருமகளூர்.
இந்துஜா முதலில் பிகினி போடட்டும். அவருக்கு பொருந்துகிறதா இல்லையாவென்று நாங்கள் முடிவெடுக்கிறோம். எனக்கு நல்லா இருக்காது என்று முடிவெடுப்பதற்கு அவர் யார்? - இரா.வளையாபதி, தோட்டக்குறிச்சி.
|