நடுப்பக்கம் அமோகம்!

ரீடர்ஸ் கிளாப்ஸ்!

நிக்கிகல்ராணி போன்ற ஹைப்ரொஃபைல் அழகிகளுக்கு ‘பப்பரப்பா மேனி பருவம் ஊற்றெடுக்கும் கேணி’ மாதிரி கமெண்டு போட்டு எங்களை இளமையால் வறுத்தெடுப்பது ‘வண்ணத்திரை’யின் பாணி.
- வண்ணை கணேசன், பொன்னியம்மன்மேடு.

நடுப்பக்க கவர்ச்சி மையமாய் விருஷாலி. வாராவாரம் நெஞ்சு படபடக்க இப்பக்கத்துக்கு நாங்கள் விருந்தாளி.
- கவிஞர் கவிக்குமரன், பெரவள்ளூர்.

சிங்காரச் சென்னை கண்டெடுத்த சக்கரைக்கட்டி சோனா ஹெய்டன் குறித்த இந்த வார ‘ஹீரோயினிஸம்’ பகுதி வெகுசிறப்பு.
- எஸ்.அர்ஷத் ஃபயாஸ், குடியாத்தம்.

சசிகலா பற்றிய பல இரகசியங்கள் தனக்குத் தெரியும் என்று மார்தட்டிக் கொள்ளும் இயக்குநர் ராம்கோபால்வர்மா, அவரைப்பற்றி படமெடுப்பதைவிட தனக்குத் தெரிந்த இரகசியங்களை நீதிமன்றத்தில் தானாகவே முன்வந்து சொல்வதே நாட்டுக்கு நலம் பயக்கும்.
- கு.ப.இரகுநாதன், பூவிருந்தவல்லி.

அதிரிபுதிரி கவர்ச்சிப் படங்களும், அவற்றுக்கு அராஜகமாக கொடுக்கப்படும் கமெண்டுகளும்தான் ‘வண்ணத்திரை’யின் மணிமகுடம்
- பி.கம்பர் ஒப்பிலான், கோவிலம்பாக்கம்.

‘சரோஜாதேவி பதில்கள்’ பகுதியில் இளமைக் குறும்பு ஆர்ட்டீசியன் ஊற்றாகக் கொப்பளிக்கிறது. இவற்றைத் தொகுத்து ஒரு முழுநூலாகக் கொண்டுவந்தால் வாசகர்களுக்கு பயனுள்ளதாக இருக்குமே?
- கவிஞர் கா.திருமாவளவன், திருவெண்ணெய்நல்லூர்.

கண்டம் விட்டு கண்டம் பாயும் ஏவுகணையாக சபீஜே தமிழுக்கு நடிக்க வந்திருப்பது வரவேற்கத்தக்கது. பெண்ணியம்  பேசுவது என்பது ஏற்கும் கதாபாத்திரத்தின் வசனமல்ல, நிஜத்திலும் பேசுவதைப் போலவே வாழ்ந்து காட்டுவது என்பதை அவர் நிரூபிப்பார் என்று நம்புவோம்.
- ஏ.பி.எஸ்.ரவீந்திரன், வள்ளியூர்.