‘என்னை துன்புறுத்திய நபர்களின் கையில் இருக்கும் அதிகாரம் எனக்கு வேண்டும். அதைக் கொண்டு எனக்கு நிகழ்ந்த கொடுமைகள் என்னை போன்றோருக்கு நிகழாமல் தடுக்க வேண்டும்’ என அரசியலுக்கு வந்து அதிகாரத்தை நோக்கி நடைபோட்டு இன்று அந்த அதிகாரத்தை கைப்பற்றியிருக்கிறார் இந்தியாவின் தங்க மகள் வினேஷ் போகத்.பாரிஸில் நடந்த ஒலிம்பிக் போட்டியில் இறுதிப் போட்டிக்கு சென்று வெறுமனே 100 கிராம் எடை கூடுதலாக இருந்ததால் அந்தப் போட்டியில் இருந்து தகுதி நீக்கம் செய்யப்பட்டார் வினேஷ் போகத். 

ஒலிம்பிக் போட்டிகளில் தேவையான பயிற்சியாளர் மற்றும் ஊட்டச்சத்து நிபுணரை வைத்துக்கொள்ள விடவில்லை, 53 கிலோ எடைப் பிரிவில் இருந்து 50 கிலோ எடைப் பிரிவில்தான் விளையாட வேண்டும் என்கிற நிர்பந்தத்தை ஏற்படுத்தி அவரை தோற்கடித்தனர்.