வீட்டைக் கட்டுனோமா, பெயின்டை அடித்தோமா, புது வீட்டில் குடியேறினோமா என்றிருந்த நிலை மெல்ல மெல்ல மாறத் தொடங்கி, இன்று சின்ன சைஸ் வீட்டையும், அழகாய் மாற்றுகிற இன்டீரியர் டிசைன் கான்செப்டிற்குள் பலரும் வந்துவிட்டனர்.

ஒரு வீட்டின் வரவேற்பு அறைக்குள் நுழைந்ததுமே, நாம் சந்திக்கப் போகும் நபர் எந்தத் துறை சார்ந்து இயங்கிக் கொண்டிருக்கிறார் என்பதை சொல்லாமலே கணிக்கும் அளவுக்கு, அவரது பெர்சனாலிட்டியை ரிஃப்ளெக்ட் செய்கிற அளவுக்கு, இன்டீரியர் டிசைனிங் துறை இன்று பட்டை கிளப்பிக் கொண்டிருக்கிறது.

செந்திலின் விருப்பம் நிறைவேறாமல் போனாலும், திரைப் படத் துறையில் செட் போடும் அவர் கனவு மனதுக்குள் கனன்று கொண்டே இருக்க, அதுவே அவரை இன்டீரியர் டிசைன் துறைக்கு மாற்றியிருக்கிறது’’ என்றவர், கணவரின் இன்டீரியர் டிசைன் துறை சார்ந்து விரிவாகப் பேச ஆரம்பித்தார்.

‘‘ஆர்ட் டைரக் ஷனில் செட் போட்டால் படம் முடிந்ததும் கலைத்து விடுவார்கள். ஆனால், வீடுகளில் நாங்கள் செய்கிற இன்டீரியர் நிலைத்திருக்கும் என்றவர், இப்போதெல்லாம் வீடு பெரிதாக வேண்டாம். வீட்டிற்குள் அக்ஸஸ் பண்ணத் தேவையான அனைத்தும் எனக்கு வீட்டுக்குள் இருக்கணும் எனக் கேட்கிறார்கள்.

வீடு என்பது ஃபீலிங்கான அட்மாஸ்பியரா, ரிலாக்ஷடா, ரெஜுமேட்டிக்காக, ரெஃப்ரெஷிங்கா இருக்கணும் என்ற சிந்தனை இன்றைய தலைமுறைக்கு வந்திருக்கிறது. கொரோனா பரவலுக்குப் பிறகான வொர்க் ஃப்ரெம் ஹோம் கான்செப்ட்டில், வீடு சலிக்காமல் இருக்க வேண்டுமெனவும் நினைக்க ஆரம்பித்து விட்டதால், வீட்டையும், பணி செய்யும் அறையையும் இன்டீரியர் செய்து, வொர்க் ஃப்ரெம் ஹோம் கான்செப்டை ஜாலியாக என்ஜாய் செய்ய நினைக்கிறார்கள். 

எனவே, தாங்கள் பயன்படுத்துகிற பொருட்கள் ஆர்டிஷ்டிக்கா இருக்க நினைப்பதுடன், எலெக்ட்ரானிக் பொருட்களில் இருந்து வெளியேறும் எமிக்ஷன், உடல் நலத்தை பாதிக்காத அளவு வீட்டின் உள்கட்டமைப்பை பிளான்டேஷனுடன் மாற்றவும் நினைக்கிறார்கள்.

‘‘ பெரிய பட்ஜெட் புராஜெக்ட் எனில் இன்டீரியர் A to Z பர்னிச்சரில் தொடங்கி வீட்டுக்குத் தேவையான அத்தனையும் செய்து கொடுத்துவிடுவோம். சில கஸ்டமைஸ்ட் புராஜக்ட்டும் இதில் உண்டு. இரண்டே மாதத்தில் முடித்துக் கொடுத்த சில இன்டீரியரும் உண்டு, இரண்டு வருடம் செய்த வேலைகளும் உண்டு. 

நீங்கள் கொடுக்கும் இடம் மற்றும் கான்செப்ட் பொறுத்தே இவை முடிவாகும். கோவையில் தற்போது ஒரு வீட்டை இத்தாலியன் கான்செப்டை இன்ஸ்பிரேஷனாகக் கொண்டு, பெரிய புராஜெக்ட் இன்டீரியராகச் செய்து வருகிறோம்’’ என்றவரைத் தொடர்ந்து பேச ஆரம்பித்தார் சுசித்ராவின் கணவர் செந்தில் குமார்.

‘‘சொந்த வாழ்க்கையில் நடந்த ஒருசில மாற்றங்களால், ஆர்ட் டைரக் ஷனுக்குள் நுழைய முடியாமல் போனாலும், தேடல்கள் என்னிடம் எப்போதும் இருந்து கொண்டே இருக்கும். சினிமாவில் கிரியேட்டிவ் சைடில் இருந்து, ஃபர்ஸ்ட் லுக், போஸ்டர், பேனர் எனவும் பணியாற்றினேன்.

 ‘விண்ணைத் தாண்டி வருவாயா’ படத்தின் லோகோ நான் செய்த சிக்னேச்சர் கிரியேஷனில் ஒன்று’’ என்கிற செந்தில், ஆர்க்கிடெக்டுக்கும் இன்ஜினீயருக்கும் இல்லாத ஒரு ஆர்ட் டச் எங்கள் இன்டீரியர் பணியில் இருக்க வேண்டும் எனவும், அது முழுக்க முழுக்க ஆர்டிஸ்டிக்காக இருக்க வேண்டும் எனவும் நினைத்தேன்’’ என்கிறார்.