சேலைகளில் புது டிரெண்ட்ஸ்!

இந்த வருடம் தீபாவளிக்கு சாரீஸ் கலெக்  ஷன்ஸ் புதிதாய் என்னவெல்லாம் வந்திருக்கு என அறிய பஜார் வீதிகளை ஒரு ரவுண்ட் அடித்தபோது, சென்னை எம்.சி. ரோட்டில் உள்ள சாந்தி சாரீஸ் கடைக்குள் நுழைந்ததில், நம்மை வரவேற்று புதிதாக வந்திருக்கும் கலெக்  ஷன்களை அறிமுகப்படுத்தத் தொடங்கினார், எழுத்தாளரும் சாந்தி சாரீஸ் உரிமையாளருமான லதா சரவணன்.

‘‘தீபாவளிக்கு குடும்பமாக வந்து எடுத்துட்டுப் போகிற மாதிரி எங்களோடது ஃபேமிலி ஷாப்தான்’’ என்றவர், ‘‘பெண்களுக்கான சேலைகளை பெரும்பாலும் சூரத், அஹமதாபாத், கொல்கத்தா, வாரணாசி, பெங்களூர், ஆந்திராவில் சிராலா, குண்டூர் பகுதிகளில் மொத்தமாகக் கொள்முதல் செய்து எடுத்து வருகிறோம். அதேபோல் மணப்பெண்களுக்கான காக்ரா சோலி, லெஹங்கா போன்ற பார்ட்டிவேர் உடைகளை அஹமதாபாத், பாம்பே போன்ற ஊர்களில் இருந்து வரவழைக்கிறோம்.

பெரிய ஷோரூம்களில் முப்பத்தி ஐந்து ஆயிரத்திற்கு மேல் கிடைக்கும் காக்ரோ சோளி, லெஹங்கா உடைகள் பத்து முதல் பனிரெண்டாயிரத்திற்கே எங்களிடம்  கிடைக்கும்’’ என்றவர், தீபாவளி கொண்டாட்டத்திற்கு பெண்களுக்கென பிரத்யேகமாக வந்திருக்கும் புதிய வரவு சேலைகள் குறித்து விளக்க ஆரம்பித்தார்.

‘‘எங்களிடம் பட்டுச்சேலைகள், ஆபீஸ் யூஸ், டெய்லி வேர், ரெகுலர் வேர், டோலா சேலை, டிஸ்யூ சேலைகள், பனாரஸ் சேலைகள், டிரெண்ட்டி சில்க், வாரணாசி சாரீஸ், கல்கத்தா சாரீஸ், அம்மா பொண்ணு காம்போ, யூனிஃபார்ம் சேலைகள், வெங்கடகிரி காட்டன், மல் காட்டன், சுங்கடி சேலைகள், காட்டன் சேலைகள், 15 முதல் 20 வெரைட்டிகளில் முட்டி வரை உள்ள லாங் பார்டர் நாராயணா காட்டன் சேலைகள் என பல்வேறு வெரைட்டிகளில் சேலைகள் இருக்கிறது.