ஜோக்ஸ்

‘‘டாக்டர் ஏன் ஸ்டெதஸ்கோப்பை காதுலேர்ந்து கழட்டவே மாட்டேங்கறாரு..?’’
‘‘அதுல எம்.பி.3 பிளேயரும் இருக்காமே... அதான்!’’
- பி.பாலாஜி கணேஷ், கோவிலாம்பூண்டி.

‘‘என் மாமியாரை எதிர் வீட்டுல கௌரவ ஆலோசகரா நியமனம் பண்ணியிருக்காங்க...’’
‘‘எதுக்கு..?’’
‘‘அடிக்கடி அந்தம்மாவுக்கு சண்டை ஆலோசனை சொல்லணுமாம்..!’’  
- என்.பர்வதவர்த்தினி, சென்னை-75.

‘‘இருபது வருஷமா கோமாவில் இருந்து முழிச்ச பேஷன்ட், மறுபடியும் எப்படி கோமாவுல விழுந்தார்?’’
‘‘இருபது வருஷத்துக்கு முன்னாடி பார்த்த அதே நர்ஸ் மூஞ்சியை இப்ப முழிச்சதும் பார்த்துட்டாராம்!’’
- வி.சகிதா முருகன், தூத்துக்குடி.

‘‘கட்சி கையை விட்டு போனதுக்கா தலைவர் கவலையா இருக்கார்?’’
‘‘கட்சி போனதுகூட கவலை இல்லையாம்... மகளிரணித் தலைவியும் போயிட்டாங்களாம்!’’
- கி.ரவிக்குமார், நெய்வேலி.

‘‘என்னப்பா இது... இன்டர்வியூக்கு வரும்போதே குடிச்சுட்டு வந்து இருக்கே..?’’
‘‘நான்தான் சொன்னேனே சார்... எனக்கு நிறைய சரக்கு இருக்குன்னு..!’’
- வி.சாரதி டேச்சு, சென்னை-5.

தத்துவம் மச்சி தத்துவம்

என்னதான் மன பாரத்தை சாமிகிட்ட இறக்கி வைக்கலாம்னாலும், அதோட ‘வெயிட்’ என்னன்னு யாராலும் சொல்ல முடியாது!
- தலை பாரத்தோடு தடுமாறி வாழ்வோர் சங்கம்
- பெ.பாண்டியன், கீழசிவல்பட்டி.

ஸ்பீக்கரு

‘‘எங்கள் தலைவருக்காக ஒழுங்கு மரியாதையுடன் கூட்டணிக்கான கதவை திறந்து விடுங்கள். இல்லையேல், அவர் தனது பழைய தொழில்முறைப்படி பூட்டை உடைத்து உள்ளே நுழைய வேண்டி வரும் என்பதை...’’
- பர்வீன் யூனுஸ், ஈரோடு.