‘‘நம்ம தலைவரோட கட் அவுட்டை வச்சு பாலாபிஷேகம் பண்றாங்களே... தலைவர் படம் எதுவும் ரிலீசாகியிருக்கா?’’
‘‘இல்லை... தலைவர் ரிலீசாகி இருக்கார்!’’

‘‘எம்.பி.பி.எஸ் படிச்சாதான் டாக்டர் ஆக முடியும்னு சொன்னா ஏன் தலைவரே நம்ப மாட்டேங்கறீங்க..?’’
‘‘நானெல்லாம் வெறும் ரெண்டாவது தானேய்யா..!’’

‘‘தலைவர் போன விமானம் ஏன் அவசரமா தரை இறங்குது..?’’
‘‘டேக் ஆஃப் ஆனதும் தலைவர் மைக் பிடிச்சு பேச ஆரம்பிச்சுட்டாராம்..!’’

‘‘சட்டசபைக்கு கிளம்புற எம்.எல்.ஏ கிட்ட தொகுதி மக்கள் மிரட்டலா ஏதோ சொல்றாங்களே... என்னது?’’
‘‘வருஷத்துக்கு இத்தனை தடவைதான் சஸ்பெண்ட் ஆகலாம்னு சொல்லி அனுப்புறாங்க!’’

‘‘தலைவர் அடிக்கடி ஜெயிலுக்குப் போயிட்டு வந்ததால, கட்சியில் ஒரு புதிய அணியை உருவாக்கிட்டாரு...’’
‘‘என்ன அது..?’’
‘‘கம்பிக்குள் வாழும் தம்பிகள் அணியாம்!’’

‘‘பரஸ்பரம் விட்டுக் கொடுக்கறதுதான் காதல், டார்லிங்...’’
‘‘அப்ப எனக்கு வீட்ல பார்த்த ஃபாரீன் மாப்பிள்ளைக்கு என்னை விட்டுக் கொடுங்க டியர்...’’

‘‘என்ன... உன் கணவர் உனக்கு மிஸ்டுகால் கொடுக்கறாரு..?’’
‘‘நான்தான் சொன்னேனே... அவரு என்கிட்டே பேசறதுக்கே பயப்படுவார்னு!’’