என்னய்யா... பொதுக்கூட்டத்துக்கு வட மாநிலத்து ஆளுங்களா வந்திருக்காங்க..?’’
‘‘மொழி புரியாம இருக்கற இவங்கதான், நாம சொன்ன இடத்துல எல்லாம் கை தட்டுவாங்க தலைவரே..!’’

எவ்வளவு பிரபலமான பாடகராக இருந்தாலும், அவரும் சாதாரண தட்டுலதான் சாப்பிடணும்; இசைத்தட்டுல எல்லாம் அவரால சாப்பிட முடியாது.
- இசைத்தட்டில் பாடலை ஓடவிட்டு, மண் சட்டியில் கூழ் சாப்பிடுவோர் சங்கம்

என்ன இருந்தாலும் தலைவர் செய்யறது கொஞ்சம்
கூட நல்லா இல்லே...’’
‘‘ஏன்... என்ன செய்யறார்?’’
‘‘மேடையிலே பேசறப்போ அவர் மேலே வந்து விழுந்த செருப்புகளை எல்லாம் சேர்த்து வச்சு ‘காலணி கண்காட்சி’ நடத்தப் போறாராம்!’’

ஒரு காலத்துல தலைவர் பேர் ‘ஈகோ’வால ரொம்ப
கெட்டுச்சு...’’
‘‘இப்போ..?’’
‘‘இ.பி.கோவால கெடுது..!’’

ரேஸ் குதிரை மேல பணம் கட்டி விளையாடலாம். கற்பனைக் குதிரை மேல பணம் கட்ட முடியுமா?
- ரேஸ் விளையாட்டில் கிரேஸ் கொண்டு கற்பனைக் குதிரையைத் தட்டி விடுவோர் சங்கம்.

வக்கீல்கள்ல சிவில் லாயர் இருக்காங்க; கிரிமினல் லாயர் இருக்காங்க.
எஞ்சினியர்ல சிவில் எஞ்சினியர் இருக்கிற மாதிரி, கிரிமினல் எஞ்சினியர் இருக்கிறாங்களா..?
- கொலைவெறியோடு கொஸ்டீன் கேட்போர் சங்கம்

கபாலி வீட்டுக்குப் போற சாலையை சீல் வச்சு கடும் பாதுகாப்பு போட்டுட்டாங்களாமே... ஏன் ஏட்டய்யா?’’
‘‘கண்டவங்களும் போய் மாமூல் கேட்டு டார்ச்சர் பண்றாங்களாம்..!’’