தருமி: சொக்கா... சொக்கா... ‘கையில் ஒரு கோடி, ஆர் யூ ரெடி’க்கு அழைப்பு வந்திருக்கு. ஒரு கோடிய ஜெயிச்சா, ரெண்டு மாசம் மளிகை சாமானம் வாங்கிடுவேன்; அப்படியே ஒரு மாச கரன்ட் பில்  கட்டிடுவேன்; மிச்ச பணத்துல ரெண்டு மெதுவடை வாங்கி வயித்த கழுவிடுவேன். எனக்கு உன்ன விட்டா யாரு இருக்கா? ஐயோ சொக்கா... அருள் புரிய மாட்டாயா?


சொக்கர்: சிட்டிசனே...
த: Who is the dog voice? யாருய்யா அது?

சொ: Yeah, its me.   அழைத்தது நான்தான்!

த: யாரு நீங்க?

சொ: ஒவ்வொரு ஃபிரண்டும் தேவை மச்சான் விளம்பரம் பார்க்கலை? நான் உன் நண்பன். ஒரு கோடிக்கான எல்லா கேள்விகளும் தெரிந்துவிட்டால் நீ ஜெயித்து விடுவாய் அல்லவா?

த: ஆஹா! அது மட்டும் கிடைச்சா, பட்டய கிளப்பிடுவேன். ஆனா உங்கள நம்பற மாதிரி இல்ல!

சொ: என் திறமை மீது சந்தேகம் இருந்தால், என்னை டெஸ்ட் செய்து பாரேன்; உனக்கு திறமையிருந்தால்!

த: என்கிட்டயே லந்து விடுறீங்களா?

சொ: கேள்விகளை நீ கேட்கிறாயா, அல்லது நான் கேட்கட்டுமா?

த: ம்ஹும்! நானே கேட்கிறேன்... எனக்குக் கேட்க மட்டும்தான் தெரியும்!

சொ: கேளும்...

த: பிரிக்க முடியாதது எதுவோ?

சொ: அம்மாவும் சின்னம்மாவும்

த: பிரிந்தே இருப்பது?

சொ: அத்வானியும் மோடியும்

த: சொல்லக்கூடியது?

சொ: கரன்ட் போகும் நேரம்

த: சொல்ல முடியாதது?

சொ: கரன்ட் வரும் நேரம்

த: குனிந்தே இருப்பது?

சொ: தமிழக அமைச்சர்கள்

த: குனியாமல் இருப்பது?

சொ: ஃபீல்டிங்கின்போது சென்னை டீம் வீரர்கள்

த: தெரியாமல் ஏமாறுவது?

சொ: பொதுத்தேர்தல்

த: தெரிஞ்சே ஏமாறுவது?

சொ: இடைத்தேர்தல்

த: மறக்கக் கூடியது?

சொ: ஆவின் பால்

த: மறக்க முடியாதது?

சொ: அமலா பால்

த: ஒரு நாள் கொன்றால்?

சொ: எமன்

த: ஒவ்வொரு நாளும் கொன்றால்?

சொ: வுமன்

த: மேஜை தட்டுக்கு?

சொ: தமிழக சட்டசபை

த: கில்மா பிட்டுக்கு?

சொ: கர்நாடக சட்டசபை

த: அத்தியாவசிய தேவை?

சொ: பெரியவங்களுக்கு டாஸ்மாக்

த: அடிப்படை தேவை?

சொ: பசங்களுக்கு பாஸ்மார்க்

த: அழிக்க முடியாதது?

சொ: காதல்

த: ஒழிக்க முடியாதது?

சொ: ஊழல்

த: டிரெண்டுக்கு?

சொ: ‘அங்காடி தெரு’ அஞ்சலி

த: கரன்ட்டுக்கு?

சொ: கண்ணீர் அஞ்சலி

த: ஐயோ போதும்... ஆள விடு!


கிச்சு கீச்சு

ஒரு இந்திய கணவனுக்கு கல்யாண நாளை விட மோசமான நாள் அட்சய திருதியை
முடியல!