‘‘சாரி... போதையில் இருக்கும்போது உங்களுக்கு ஆபரேஷன் பண்ண முடியாது!’’
‘‘நான் குடிக்கவே இல்லையே, டாக்டர்!’’
‘‘நான் என்னைப் பற்றிச் சொன்னேன்...’’
- க.கலைவாணன், நகரி.

இந்தப் பொண்ணுங்களை புரிஞ்சிக்கவே முடியலை...
பார்த்ததும் ‘ஐ லவ் யூ’ சொன்னா, ‘என்னைப் பத்தி உனக்கென்ன தெரியும்... அதுக்குள்ளே ஐ லவ் யூ சொல்றே’ங்கறாங்க; பார்த்துப் பழகிய பிறகு ‘காதலிக்கிறேன்’னு சொன்னா, ‘ஃப்ரண்ட்ஷிப்பை  கொச்சைப்படுத்தாதே’ங்கறாங்க. அப்ப நாங்க எப்பதான் காதலிக்கிறது?
- காதலிப்பதற்கு முன்பே தேவதாஸ் ஆனோர் சங்கம்
- பிரியதர்ஷன், சேலம்.

‘‘ஆனாலும் தலைவர் அநியாயத்துக்குப் பொய் சொல்றாரு...’’
‘‘ஏன்... என்ன சொன்னார்?’’
‘‘அவரோட கையெழுத்தைப் போலவே, அவர் கைநாட்டும் கிறுக்கலா இருக்கும்னு சொல்றாரே!’’                                                
- ஏ.நாகராஜன், சென்னை-75.

‘‘டாக்டருக்குத்தான் ஆபரேஷன் எதுவும் இல்லையே... அப்புறம் எதுக்கு அவசரமா ஒரு பாட்டில் ரத்தம் கேட்கறாரு..?’’
‘‘அவரு ரத்தத்தைப் பார்த்து ரொம்ப நாளாச்சாம்... அதான்!’’
- வி.சாரதி டேச்சு, சென்னை-5.

என்னதான் உங்க ஆபீஸ்ல இருக்கிற ஃபைல்களையெல்லாம் நீங்க கயிறை வச்சு கட்டி வச்சாலும், அதை ‘கட்டுக்கோப்பான’ வேலைன்னு சொல்ல மாட்டாங்க!
- வேலை செய்யும்போது
ஓவர் டைம் போட்டு
யோசிப்போர் சங்கம்.
- ஜி.தாரணி, அரசரடி.

ஆண் ஆக்டோபஸ் பெண் ஆக்டோபஸிடம் சொன்னது... ‘‘நான் உன் கை கை கை கை கை கை கை கை பிடிக்க வேண்டும்!’’
பெண் ஆக்டோபஸ் கத்தியது... ‘‘டேய், கைகள வச்சிக்கிட்டு சும்மா இருடா!’’
- சி.பி.செந்தில்குமார், சென்னிமலை.

‘‘நம்ம தலைவருக்கு டாக்டர் பட்டம் வாங்கணும்னு ஆசை வந்திடுச்சு...’’
‘‘எதை வச்சி அப்படிச் சொல்றே?’’
‘‘கட்சிக்கு புது ரத்தம் பாய்ச்சணும்... ஸ்கேன் எடுக்கணும்... சலைன் ஏத்தணும்னு எல்லாம் பேசிக்கிட்டிருக்காரே!’’
- டி.சேகர்,
திருத்துறைப்பூண்டி.