ஆடம்பர வாழ்வின் மீதான ஆசையால்தான் குடும்பப் பெண்கள் விபசார வலையில் விழுந்து, அந்த வில்லங்கச் சுழலில் இருந்து மீளமுடியாது தவிக்கின்றனர்.

நல்லதே நினைப்பவர், நல்லதே செய்பவர், ‘மறுபிறவி எடுத்த அதிசயப்பிறவி’ எங்கள் தங்கத் தலைவர் ரஜினிகாந்த். அன்னா ஹசாரேவுக்கு ஆதரவான உண்ணாவிரதத்திற்கு தன் மண்டபத்தைக் கொடுத்ததில் தப்பே இல்லை தலைவா!

முதுமலை யானைகள் புத்துணர்வு முகாம் பற்றி படித்ததே நேரடி அனுபவம் போல இருந்தது.
 

- ஏ.ஜி.கல்யாணசுந்தரம், சென்னை-126..

மாற்றுக் கருத்து கொண்ட மகாத்மாவும் நேதாஜியும் கூட மனதார ஏற்றுக்கொண்ட நம் தேசிய கீதத்துக்கு 100 வயது என்பது மிகப்பெருமை. ரவீந்திரநாத் தாகூருக்கு அடிப்போம் ஒரு ராயல் சல்யூட்!
 

- ஆர்.சியாமளா, திண்டுக்கல். 

காமம் புதிரும் இல்லை; புனிதமும் இல்லை. அது மனித வாழ்வின் அங்கம். அது ஒளித்துப் பேச வேண்டிய அந்தரங்கமாகி விட்டது என டாக்டர் நாராயண ரெட்டி கூறியது நூற்றுக்கு நூறு உண்மை.
 

சின்னஞ்சிறுசுகள் வீடு கட்டி கல்யாணம் செய்து, பிள்ளை பெற்று விளையாடும். ஆப்ரிக்க மனிதரின் விண்வெளிக் கனவு சிறுகுழந்தைகளின் விளையாட்டை நினைவூட்டுவதாக அமைகிறது.
 

‘கோலங்கள்’ அபியாக இருந்து ‘முத்தாரம்’ ரஞ்சனியாக மாறியிருக்கும் தேவயானியின் பேட்டி அவரது முகம் போலவே பளிச்!
 

பழநிபாரதியின் ‘காற்றின் கையெழுத்’தில் தேயிலைத் தோட்ட தொழிலாளர்கள் படும் அவஸ்தைகளைப் படித்தபின் தேனீர் அருந்தும்போதெல்லாம் ஒரு மெல்லிய சோகம் மனதுள் இழையோடுகிறது.
 

யார் சொன்னது இந்தியா ஏழை நாடு என்று? இல்லவே இல்லை... தங்கத்திலும் வெள்ளியிலும் தோசைகள் சுடும் நாடு இது!
 

- பள்ளிபாளையம் ரஞ்சனிப்ரியன், ஈரோடு.

‘வலைப்பேச்சு’ பகுதியில் வாரா வாரம் நல்ல நல்ல சிந்தனைகள், நையாண்டி கலந்த தத்துவங்கள் சிறப்பாக உள்ளன. தொடர்ந்து வெளி வரட்டும் இந்தப் பகுதி.
 

விஜயா டீச்சரை என் தங்கையாகவே ஏற்றுக்கொண்டேன். ஒரு அண்ணன் என்ற முறையில் நல்ல வரன் பார்த்து மாப்பிள்ளையின் கையில் ஒப்படைத்து, ‘என் கண்ணையே உன் கையில் ஒப்படைக்கிறேன். இனி அந்தக் கண்களில் ஆனந்தக் கண்ணீரைத்தான் பார்க்க வேண்டும்’ என சொல்லப் போகிறேன்.
 

-  எஸ்.சண்முகசுந்தரம், வைத்தீஸ்வரன்கோவில்..