பொதுவாக குளிர்காலம் நம்மை உறக்க நிலைக்குத் தள்ளும். ஆனால், இந்த குளிர்காலத்தில் இரவில் கூட தூங்காமல், பல கொண்டாட்டங்களை நிகழ்த்தி வருகின்றனர். அதுவும் இந்தியாவில்தான் இக்குளிர்காலத் திருவிழாக்கள் கொண்டாடப்படுகின்றன. 

வெறுமனே கொண்டாட்டமாக மட்டுமல்லாமல், இந்தியாவின் உயர்ந்த பாரம்பரிய, கலாசாரத்தைக் காட்டும் கண்ணாடிகளாகவும் அந்தத் திருவிழாக்கள் இருக்கின்றன. அவற்றில் முக்கியமான ஐந்து குளிர்காலத் திருவிழாக்கள் பற்றிய விவரங்கள் இதோ:

ஒடிசாவின் கோராபுட் பகுதியில் வசிக்கும் போண்டா பழங்குடி மக்களால் கொண்டாடப்படும் ஒரு திருவிழா, சுமே காலிரெக். பழங்குடிகளின் மரபை அழகாக காட்சிப்படுத்தும் ஒரு விழா என்று இதனைப் புகழ்கின்றனர்.

ஜனவரி 21ம் தேதியிலிருந்து, பிப்ரவரி 19ம் தேதிக்கு இடைப்பட்ட நாளில் வரும் முழுநிலவு நாளன்று ஆரம்பித்து, 10 நாட்களுக்குக் கொண்டாடப்படுகிறது. தங்களுடைய சமூகம் செழிப்புடனும்,  ஆரோக்கியத்துடனும் இருப்பதற்காக சில தியாகங்களைச் செய்வதாக போண்டா மக்கள் தெய்வத்திடம் உறுதிமொழி தருவார்கள். 

இரண்டாம் நாளில் கதிரவன், சந்திரன், மலை ஆட்டின் உருவங்களை மாவில் செய்து வீட்டில் வைப்பார்கள். சமையலறையின் சுவர்களில் அதிர்ஷ்ட சின்னங்களை ஓவியங்களாகத் தீட்டுவார்கள். மூன்றாம் நாள் செழிப்பான விளைச்சலுக்காக சந்திரனிடம் பிரார்த்தனை செய்வார்கள்.

வரும் டிசம்பர் 20ல் ஆரம்பிக்கும் இந்தக் குளிர்கால திருவிழா திபெத்தியர்களால் மட்டுமல்லாமல், திபெத்திய கலாசாரம் பரவியிருக்கும் பகுதிகளிலும் கொண்டாடப்படுவது குறிப்பிடத்தக்கது. மற்ற இடங்களைவிட இந்த விழா லே-லடாக்கில் மிகச் சிறப்பாக இருக்கும். இந்த விழாவைப் பார்ப்பதற்காகவே சுற்றுலாப் பயணிகள் லடாக்கை நோக்கிப் படையெடுக்கின்றனர்.