குளிர் காலங்களில் வயது முதிர்ந்தோருக்கும், மத்திய வயதினரில் நீரிழிவு, ரத்தக் கொதிப்பு போன்ற இணைநோய்கள் இருப்பவர்களுக்கும் அதிகமான அளவில் ‘முகவாதம்’ ஏற்படுவதைக் காண முடிகிறது. 

முகவாதம் என்பது முகத்தில் உள்ள தசைகளுக்கு உணர்வூட்டும் ‘முக நரம்பில்’ உள் காயம் ஏற்படுவது, வைரஸ் தொற்றுக்கு உள்ளாவது போன்றவற்றால் ஏற்படக்கூடும். இதன் விளைவாக பாதிக்கப்பட்டவருக்கு இவை எல்லாம் நிகழும்.

ஒன்று டெம்போரல் கிளை. நெற்றிப் பகுதியில் உள்ள தசைகளுக்கு உணர்வளிக்கும் கிளை இது. முகவாதத்தில், இந்தக் கிளை பாதிக்கப்படுவதால் நெற்றியை சுருக்க இயலாமல் போகும். 

நான்காவது மார்ஜினல் மாண்டிபுலர் கிளை. 

இது கீழ் உதடு மற்றும் தாடை தசைகளுக்கு உணர்வளிக்கும் கிளை. இதன் விளைவாக, கீழ்வாய் தொங்கிப் போகும். கீழ் உதட்டில் இருந்து எச்சில் வடிந்தோடும். கடைசியாக செர்விக்கல் கிளை. இந்தக் கிளை கழுத்தில் இருக்கும் ப்ளாடிஸ்மா தசைக்கு உணர்வூட்டுகிறது.

தரையில் பாய் , தலையணை, ஜமக்காளம், கம்பளம், விரிப்பு போன்றவற்றை விரிக்காமல் ஒரு பக்க கன்னத்தை நேரடியாக குளிர்ச்சியான தரையில் வைத்துப் படுப்பதை தவிர்க்க வேண்டும்.  

கடினமான தலையணைக்கு பதில் லேசான தலையணையை பயன்படுத்துங்கள்.  பொதுவாக இது போன்ற குளிர் சீதோஷ்ண நிலை மற்றும் அழுத்தத்தால் விளைந்த முக வாதம் குணமாக 2 முதல் 4 மாதங்கள் வரை எடுத்துக் கொள்ளும். முக நரம்பு உள்காயம் அடைந்து வீக்கம் அடைந்து இருக்கும் என்பதால் உடனடியாக மருத்துவரை சந்தித்து சிகிச்சை பெறுவது நல்லது. 

முகவாதம் ஏற்பட்டவர்கள் உள்காயத்தை ஆற்றுவதற்குத் தேவையான ஸ்டீராய்டு மருந்தும், வைரஸ் தொற்றுக்கு எதிரான வைரஸ் கொல்லி மருந்துகளும் மருத்துவரின் பரிந்துரைப்படி எடுக்கவும்.