என் மாமனார் இருந்திருந்தா நான் நடிப்பதைப் பார்த்து வருத்தப்பட்டிருப்பார்..!

கையில் ஒரு சுருட்டு, ஜாக்கெட் இல்லை, ஒரு டிவிஎஸ் XL சகிதமாக கம்பீரத் தோற்றத்துடன் கவனம் ஈர்த்திருக்கிறார் இந்த அங்கம்மாள். ‘என் உடல், என் உடை, என் உரிமை...’ என குரல் எழுப்பி நம் வீடுகளில் அந்தக் காலத்தில் வாழ்ந்த அல்லது இப்போதும் ஆங்காங்கு வாழ்கின்ற அப்பத்தாக்கள், அம்மாச்சிகள், பாட்டிகளை நினைவு படுத்துகிறார் கீதா கைலாசம். 

இயக்குநர் சிகரம் கே.பாலச்சந்தரின் மருமகளான கீதா கைலாசம், கமர்ஷியல் மற்றும் கற்பனை உலகத்திலிருந்து வெளியேறி எதார்த்த கதைகளை படைக்கத் துவங்கிய தருணத்தில் தன்னை கோடம்பாக்கத்தின் எதார்த்தமான அம்மாவாக நிலை நிறுத்திக் கொண்டிருக்கிறார். தற்போது ‘அங்கம்மாள்’ படத்தின் மூலம் போஸ்டரிலேயே ஆச்சர்யம் ஏற்படுத்தியிருக்கிறார்.அம்மா நடிகை என்பது அவ்வளவு எளிதல்ல. எப்படி அந்த இடத்தைத் தக்கவைத்துக் கொண்டீர்கள்?