நாட்டுக்கோழி முட்டை, பிராய்லர் கோழி முட்டை பற்றிதான் பொதுவாகக் கேள்விப்பட்டிருப்போம். ஆனால், போபாலைச் சேர்ந்த ஆதித்யா குப்தா இப்போது புதியதாக மூலிகை முட்டையை அறிமுகப்படுத்தி இருக்கிறார். 

போபால் விமான நிலையத்திலிருந்து 20 நிமிடங்கள் தொலைவில் உள்ள ‘ஐன்ட் கெடி’ கிராமத்தில் ஆதித்யா குப்தாவின் கோழிப் பண்ணையில் இந்த மூலிகை முட்டைகள் உற்பத்தியாகின்றன.

இங்கு கோழிகளுக்கு உடைக்கப்பட்ட சோளம், கோதுமை, இதர தானியங்களுடன் துளசி, மஞ்சள், அஸ்வகந்தா, ஆர்கனோ, வோக்கோசு, ஸ்பைருலினா, புதினா ஆகியவை கலந்து தரப்படுகின்றன. இதனால் இந்தக் கோழி இடும் முட்டைகள் மூலிகை முட்டைகளாகின்றன.   

‘‘உண்மையைச் சொன்னால் 250க்கும் மேற்பட்ட வெவ்வேறு மூலிகைகளைப் பயன்படுத்துகிறோம். அவற்றை பட்டியலிட முடியாது. கேட்கவும் செய்யாதீர்கள். அது ஒரு வர்த்தக ரகசியம்! தவிர, நான் தயாரித்திருக்கும் கோழித் தீவனத்திற்கு காப்பு ரிமையும் பெற்றுள்ளேன்...’’ எனக் கண்சிமிட்டுகிறார் ஆதித்யா குப்தா.

‘‘மூலிகை முட்டைகளின் சுவை வித்தியாசமானது. மூலிகை முட்டையில் அதிக ஊட்டச்சத்தும் உள்ளது. மூலிகை முட்டையில் உள்ள கூடுதல்  நல்ல கொழுப்பு, அதிக புரதம், கூடுதல் வைட்டமின் டி, ஒமேகா-3 ஆகியவை மூலிகை முட்டைகளை மதிப்பு கூட்டப்பட்ட முட்டைகளாக்குகின்றன.

இதன் வித்தியாசமான மணம் ராணாவுக்குப் பிடித்துப் போனது. மூலிகை முட்டையை மூன்று வேளையும் உணவுடன் சேர்த்துக் கொண்டார். இப்போது மூலிகை முட்டைகள் ராணாவை சகஜ வாழ்க்கைக்குக் கொண்டு வந்துள்ளன...’’ என உற்சாகமாகச் சொல்கிற ஆதித்யா குப்தா, அடிப்படையில் ஒரு கணினி மென்பொருள் பொறியாளர் ஆவார். 

திடீரென்று எதிர்பார்க்காத தருணங்களில் அடுத்தடுத்து கோழிகள் நூற்றுக்கணக்கில் இறந்துபோகும். அதனால் பொதுவாக கோழிப்பண்ணை வைத்திருப்பவர்கள் அதிக நஷ்டத்தை அனுபவிப்பார்கள். 

இந்நிலையில் கோழிகளை நோய்கள் தாக்காமல் இருக்க ஆயுர்வேத மூலிகைகளின் குணப்படுத்தும் சக்தி பற்றி படிக்கத் தொடங்கினேன். இதனுடன், இறந்த ஒவ்வொரு கோழியையும் நாங்கள் பிரேத பரிசோதனை செய்தோம். 

பின்னர் நோய் எதிர்ப்பு சக்தியை அதிகரிக்க வெவ்வேறு மூலிகைகளைத் தீவனத்துடன் சேர்த்தோம். போகப் போக ஒவ்வொரு மூலிகையின் சேர்க்கை விகிதத்தையும் நிர்ணயித்தோம். இதனால் கோழிகளிடையே நோய்த் தாக்கமும் இறப்பும் குறைந்தது. 

கோழித் தீவனத்தில் ஆளிவிதை சேர்ப்பது முட்டையின் மஞ்சள் கருவில் உள்ள ‘ஒமேகா-3’ கொழுப்பு அமில உள்ளடக்கத்தை அதிகரிக்கிறது. இந்த ‘ஒமேகா-3’ நம் இதய ஆரோக்கியத்திற்கு நன்மை செய்யும் ஒன்று. அதேபோல் பூண்டு, முட்டையின் மஞ்சள் கருவின் தரத்தை உயர்த்துவதுடன், கோழிகளின் கொழுப்பு அமிலங்களை மேம்படுத்துவதற்கும் பயன்படுகிறது.  

அடுத்து முட்டையின் வாசனையை விரும்பாத சைவ உணவு உண்பவர்கள்கூட, ‘ஹைபோஅலர்ஜெனிக்’ முட்டைகளை அச்சம் இல்லாமல் உணவில் சேர்த்துக் கொள்ளலாம்.