பாஸ்... நான் Pass!

‘‘எந்தப் படத்துக்கும் நான் இப்படி தயாரானதில்லை. இவ்வளவு நேரமும் கொடுத்ததே இல்லை. நானே இவ்வளவு மெனக்கெட்டிருந்தா துருவ் டிரெய்னிங் எப்படி இருந்திருக்கும்னு யோசிச்சு பாருங்க...’’எப்போதும் சிரித்த இதழ்கள், பளிச் முகம், சுருண்ட முடி என வளைய வரும் அனுபமா பரமேஸ்வரன், ‘பைசன்’ படத்தில் புழுதிக் காட்டு சகதியையும், சேற்றையும் பூசிக்கொண்டு கரடு முரடான காதலுக்குள் சிக்கி நடிப்பில் இன்னொரு பரிமாணத்தைக் காட்டியிருக்கிறார். தன்னுடைய வாழ்வில் ‘பைசன்’ மைல் கல் படம் என்கிறார்.

100% ஃபில்டருடன்தான் கதைகளை தேர்வு செய்கிறீர்கள் போலவே..?

இத்தனை வருடங்கள் இந்தச் சினிமா நமக்கு இடம் கொடுத்திருக்கு. அதிலே கொஞ்சமாவது பாடம் கத்துக்கலைன்னா எப்படி! ஒரு சில கதைகள், நான்தான் சரியா இருப்பேன்னு தேடி வருது. ஒரு சில கதைகளை நான் யோசிச்சு தேர்வு செய்கிறேன். வந்த புதிதில் கிடைக்கும் படங்கள்ல எல்லாம் நடிக்கறது வேறு. ஆனா, இப்பவும் அதையே செய்யக் கூடாது இல்லையா! 

விவசாயம், ஆடு, மாடுகள் மேய்த்தல்... இதற்கு முன்பு பரிச்சயம் உண்டா?

‘பைசன்’ படத்தில்தான் முதல் அனுபவம். எல்லாமே இந்தப் படத்தில்தான் எனக்கு அறிமுகமே ஆச்சு. செருப்பில்லாம நடந்ததும் இதுதான் முதல் முறை. இதற்கு முன்னாடி எத்தனையோ படங்கள் நடிச்சிருக்கேன். ஆனா, இந்தப் படம் மூலமாதான் பயிற்சிகள் நிறைய கிடைச்சிருக்கு. 

மாரி செல்வராஜ்..?

சிறந்த மாஸ்டர். தனித்துவமான இயக்குநர். அவர் கொடுத்த பயிற்சியும், பாடமும், அடுத்து ஒரு பத்து வருடங்களுக்கு நான் சினிமாவில் பயணிக்க உதவும். அந்த அளவுக்கு நடிப்பில் பல பரிமாணங்கள், லேயர்களை இந்தப் படத்தில் என் மூலமா கொண்டு வந்திருக்கார். அதிகமாக கேர்ள் நெக்ஸ்ட் டோர் படங்கள்ல நடிச்ச நடிகை நான். இதுவும் ஒரு கேர்ள் நெக்ஸ்ட் டோர் கேரக்டர்தான். ஆனா, இதுதான் உண்மையான எதார்த்த கேர்ள் நெக்ஸ்ட் டோர் கதைக் களம். ஒரே வார்த்தைல சொல்லணும்னா, ‘பைசன்’ படம் நிறைய சவால் வைத்தது. 

‘தில்லு 2’ தெலுங்குப் படம் மூலம் கற்றதும் பெற்றதும் என்ன?