‘ஹோம்பலெ ஃபிலிம் ஸ்’ தயாரிப்பில் நடிகர் மற்றும் இயக்குநர் ரிஷப் ஷெட்டியின் பிரம்மாண்ட படைப்பான ‘காந்தாரா சாப்டர் 1’ ரிலீஸ்.  2022ம் ஆண்டு வெளியாகி வெற்றி பெற்ற ‘காந்தாரா’ படத்தின் கதைக்கு முந்தைய கதையாக (Prequel) வெளியாகஇருக்கிறது இந்த சாப்டர் 1. 

‘காந்தாரா சாப்டர் 1’ டூ.1,000 கோடி வசூலிக்கும் படமாக இருக்கும் என்று எதிர்பார்க்கப்படுகிறது. ஏனெனில் முதல் பாகம் ரூ.400 கோடி ரூபாய்க்கு மேல் வசூலித்து நாட்டின் பிரதமர் வரை அதிர்வலைகளை உருவாக்கியது. இதோ இப்போது அதன் முந்தைய பூர்வீகக் கதை.

‘‘இருங்க இருங்க நானே சொல்றேன்...’’ கேட்பதற்குள் உற்சாகமும் பெருமையும், ஒருசேர பேசுகிறார் ருக்மிணி. 

‘‘காடுபெட்டு சிவா, காந்தாராவின் மகன். 2022ம் வருஷம் வந்த கதை அதுதான். இப்ப இந்த சாப்டர் ஒன்று கதைதான் காந்தாரா கதை. இதுல ரிஷப் சார் பெயர் பெர்மி. ஏன் எப்படி என்பதையெல்லாம் படம் பார்த்து தெரிஞ்சுக்கோங்க. கனவு நினைவாகி இருக்கு. ‘சப்த சாகரடாச்சே எல்லோ’  படம் கொடுத்த அங்கீகாரம் மூலமா ‘காந்தாரா’ வாய்ப்பு கிடைச்சது. 

அந்தப் படத்தில் இருந்தே ரிஷப் செட்டி சாருடைய நட்பு எனக்கு இருக்கு. அவரும் ரோஹித் ஷெட்டியும் அவ்வளவு நெருக்கமான நண்பர்கள். ‘சைட் ஏ, பி’ ரெண்டு படத்தின் பிரீமியரிலும் சார் வந்திருந்தார். 

அப்படிதான் ‘காந்தாரா’ வாய்ப்பு வந்தது. அவருடைய படங்கள் எல்லாமே எனக்குப் பிடிக்கும். ஆனால், அந்த பிராண்ட் அழுத்தம் கொஞ்சம் அதிகமாகவே இருக்கு. பயமா இருக்கு...’’ கண்களை சிமிட்டும் ருக்மிணி, ரிஷப் ஷெட்டியுடன்  பணியாற்றிய அனுபவத்தை பகிர்ந்து கொண்டார்.

‘‘நிறைய விஷயங்கள் கத்துக்க முடிஞ்சது. ஒரு சில இடங்களில் நான் தடுமாறினப்ப அவர் ஒரு டீச்சர் மாதிரி சொல்லிக் கொடுத்தார். ஆனால், எக்ஸ்பீரியன்ஸ் வேலையில் மட்டும்தான் தெரியும். குணத்தில் தெரியாது. 

பயங்கர டெடிகேஷனா வேலை செய்வார். என்னை ஒரு புது நடிகை மாதிரியே அவர் நடத்தலை. முதல் பாகத்தில் வேலை செய்த அத்தனைக் குழுவும் அப்படியே இந்தப் படத்தில் இருந்ததால், எவ்வித அழுத்தமும் இல்லை. அதேபோல் படப்பிடிப்பு லொகேஷன்களும் சினிமாத்துறைக்கு ரொம்ப தூரமா இருந்துச்சு.