மலையாள வெஞ்ஞாரமூடு இப்ப தமிழ் சினிமாவின் அடையாளம்!

‘‘‘வெஞ்ஞாரமூடு’ - இது ஊர் பேரு. எப்படி தமிழ் சினிமாவுக்கு வருகிற கலைஞர்கள் பெரும்பாலும் மதுரை மற்றும் அதன் சுற்றுவட்டார பகுதிகளில் இருந்து வருவாங்களோ அந்த மாதிரி கேரள சினிமாவில் நிறைய கலைஞர்கள் ‘வெஞ்ஞாரமூடு’ பகுதியில இருந்துதான் வருவாங்க. உதாரணத்துக்கு சுராஜ் வெஞ்ஞாரமூடு சார். ரொம்ப பழமையான கூத்துக் கலைகளும், நாடகக் கலைகளும் உருவான இடம். நானும் அங்கே பிறந்தவன்தான்...’’ பெருமையாகச்  சொல்கிறார் அருண் வெஞ்ஞாரமூடு. 

‘சுழல் 1 & 2’, ‘மாவீரன்’, ‘மதராஸி’, ‘கருப்பு’, ‘மார்ஷல்’ உள்ளிட்ட தமிழ்ப் படங்கள் மற்றும் ஏராளமான மலையாளப் படங்களின் ஆர்ட் டைரக்டர் இவர்தான்.
சினிமாவில் பயணம்... எங்கே அது கலை இயக்கத்துக்கு மாறியது?

சமீபத்தில்தான் டைரக்டர் ஆஃப் போட்டோகிராபி, டைரக்டர் ஆஃப் எடிட்டிங், டைரக்டர் ஆஃப் ஸ்டண்ட்... இப்படி சினிமா தொழில்நுட்பத்துக்கு இயக்கம் என்கிற 
பதவி வந்தது. ஆனால், முன்பிருந்தே இயக்குநர் மற்றும் கலை இயக்கம் இந்த ரெண்டு தொழில்நுட்பக் கலைஞர்களுக்கு மட்டுமே இயக்குநர் என்கிற அடையாளம் இருக்கும். 

அதனால் ஒன்று பட இயக்குநர் அல்லது கலை இயக்கம் என முடிவெடுத்துதான் சினிமாவில் பயணிக்க ஆரம்பிச்சேன். காரணம், எப்படி இயக்குநருக்கு கீழே ஒரு பெரிய குழு வேலை செய்தாகணுமோ, அதேபோல ஒரு கலை இயக்குநருக்கு கீழேயும் குறைந்தபட்சம் 10 பேராவது வேலை செய்தாகணும். அப்படி ஒரு கேப்டன் ஆஃப் த ஷிப் வேலை சினிமாவில் வேணும் என்பதுதான் என் ஆசை; நோக்கம்.

சினிமா பயணம் எங்கே எப்படி ஆரம்பித்தது?