‘ஓகே கண்மணி’ தாரா இனிமையான பாதிப்பை எப்படி ஏற்படுத்தினாரோ அதைவிட அதிகமான பாதிப்பை ‘திருச்சிற்றம்பலம்’ ஷோபனா ஏற்படுத்தினார். விளைவு அந்தக் கதாபாத்திரம் தேசிய விருது வரை சென்று சிறந்த நடிகைக்கான விருதுடன் திரும்பியிருக்கிறது. 

தொடர்ந்து ‘தலைவன் தலைவி’யில் அடாவடியாக அன்பைக் காட்டும் ‘பேரரசி’ கதாபாத்திரத்தில் பரோட்டாக்களை சுட்டு அடுக்கினார்.இப்போது கயலாக சுடச்சுட ‘இட்லி கடை’யில் இட்லிகளுடன் காத்திருக்கிறார். வேறு யார்... நித்யா மேனன்தான்.

என்னுடைய மனதையும், ஆத்மாவையும் வெளிப்படுத்துகிற உணர்வுதான் நடிப்பு. இதுவரையிலும் பணத்துக்காகவோ அல்லது புகழுக்காகவோ நான் எந்த கேரக்டரையும் தேர்வு செய்ததில்ல. 

ஷோபனா மாதிரி ஒரு பொண்ணை இதுவரையிலும் நான் சந்தித்ததே கிடையாது. ரொம்ப வித்தியாசமா, அதிகம் பேசி எதையும் எதார்த்தமா டீல் செய்கிற கேரக்டர் அது. முதலில் நானே அப்படிக் கிடையாது. எனக்கு கொஞ்சமும் சம்பந்தமே இல்லாத ஒரு கேரக்டருக்கு என்னை நான் தயார் செய்துதான் அந்த கேரக்டரில் நடிச்சேன். 

அதைக் காட்டிலும் இன்னும் ஓவர் டோஸ் கேரக்டர்தான் ‘இட்லி கடை’ கயல் கதாபாத்திரம். என்னுடைய கேரக்டரும் இதுவரையிலும் நான் செய்த கதாபாத்திரங்களில் இருந்து நிச்சயமா அதீத வித்தியாசத்தில் இருக்கும். படு எமோஷனல் கேரக்டர். உங்களை அழ வைக்கிற அளவுக்கு இருக்கும். அதே சமயம் கொஞ்சம் குறும்புத்தனமான கேரக்டர்தான்.

நிறைய கேரக்டர்கள் வரும். 

எந்த கேரக்டர் செய்தால் என்னவாக அது ஆடியன்ஸ்கிட்ட போய் சேரும்..? இப்படி எல்லாத்தையும் யோசிச்சுதான் ஒரு கேரக்டரை தேர்வு செய்வேன். 

இத்தனை வருடங்களும் சினிமாவில் இருந்திருக்கேன். எனக்கு பாதுகாப்பு இல்லாத ஒரு சூழல் சினிமால இருந்ததா, இருப்பதா ஃபீல் செய்தது கிடையாது.எனக்கு எந்தப் பாதிப்பும் இல்லை என்பதற்காக மத்தவங்களுக்கும் அப்படித்தான் இருக்கும்னு சொல்லிட முடியாது.