‘‘உலகம் முழுவதும் பெரிய அளவில் வேலையில்லாத் திண்டாட்டத்தை உருவாக்கப் போகிறது ஏஐ தொழில்நுட்பம். 2030களில் கம்ப்யூட்டர் உட்பட ஏராளமான துறைகளில் வேலை செய்துகொண்டிருப்பவர்களில், 99 சதவீதம் பேர் வேலையை இழப்பார்கள். 

இதனால் பெருமளவில் ஏழ்மை உருவாக வாய்ப்பிருக்கிறது...’’ என்று எச்சரிக்கை செய்கிறார் கம்ப்யூட்டர் சயின்ஸ் பேராசிரியரான ரோமன் எம்போல்ஸ்கி.இதை உறுதிப்படுத்துகிறார் ஏஐயின் காட்ஃபாதர் என்று அழைக்கப்படும் ஜெப்ரி ஹின்டன்.

‘‘எதிர்காலத்தில் பெரும் பணக்காரர்கள் மனிதர்களுக்குப் பதிலாக ஏஐ தொழில்நுட்பத்தை அதிகமாகப் பயன்படுத்துவார்கள். மனிதர்களுக்குக் கொடுப்பதைப் போல ஏஐக்கு சம்பளம் கொடுக்க வேண்டியதில்லை. இதனால் அவர்களுக்கு லாபம் கொழிக்கும். பணக்காரர்கள் மேலும் பணக்காரர்களாவார்கள். 

ஆனால், சம்பளத்தை நம்பியிருந்தவர்கள் வேலை கிடைக்காமல் வறுமைக்குத் தள்ளப்படுவார்கள்...’’ என்கிறார் ஹின்டன்.இந்நிலையில் 2027-க்குள் ஏஜிஐ என்னும் ஆர்ட்டிபீசியல் ஜெனரல் இண்டலிஜென்ஸ் தொழில்நுட்பம் பரவலாக வந்துவிடும். இந்த தொழில்நுட்பம் மனிதர்கள் பார்க்கின்ற பெரும்பாலான வேலைகளைப் பறித்துவிட வாய்ப்பிருக்கிறது என்கிறார் ரோமன்.