அதுதான் ‘பிட்சாட்’ என்ற புதிய செயலி.மற்ற மெசேஜிங் செயலிகளில் இணையச் சேவை இருந்தால் மட்டுமே செய்தி அனுப்ப முடியும். ஆனால், இதில் இணைய வசதியோ அல்லது சிம் கார்டோ இல்லாமலேயே மெசேஜ் அனுப்பலாம். டுவிட்டர் நிறுவனத்தைக் கடந்த 2006ம் ஆண்டு தொடங்கினார் ஜாக் டோர்சி. 

இன்று டுவிட்டர் இந்தளவுக்குப் பெரிய நிறுவனமாக உருவெடுத்துள்ளதற்கு இவர்தான் காரணம். 2007 முதல் 2011ம் ஆண்டு வரை டுவிட்டர் நிறுவனம் முழுமையாக இவரது கண்ட்ரோலில்தான் இருந்தது.

பிட்சாட் என்பது தனியுரிமைக்கு முக்கியத்துவம் அளிக்கும் ஒரு செயலி. இது ஆஃப்-கிரிட் தகவல் தொடர்புக்காக வடிவமைக்கப்பட்டுள்ளது. இதில் நாம் அனுப்பும் அனைத்து மெசேஜ்களும் என்கிரிப்ட் செய்யப்பட்ட பிறகே அனுப்பப்படும். இந்த மெசேஜ்கள் ப்ளூடூத் மூலம் அருகிலுள்ள சாதனங்களுக்கு இடையே அனுப்பப்படுகின்றன.

சில சாதனங்கள் நெட்வொர்க்கின் வரம்பை நீட்டிக்கப் பாலங்களாகச் செயல்பட முடியும் என்பதே இதன் கான்சப்ட். இதில் யூசர்கள் கணக்கு தொடங்கும்போது, அவர்களின் பெயர், விவரங்கள் என எந்தொரு தகவலும் சேகரிக்கப்படாது.இந்த கான்சப்ட்டில் வரும் முதல் செயலி இதுவல்ல. ஏற்கனவே ப்ளூஸ்கை மற்றும் டாமஸ் ஆகிய செயலிகள் இதே வெர்ஷனில் இயங்கி இருக்கின்றன. 

2019ம் ஆண்டு ஹாங்காங் போராட்டங்களின்போது இதே டெக்னாலஜியில் இயக்கும் பிரிட்ஃஜ்பை செயலிதான் அங்கு பயன்படுத்தப்பட்டது. அதாவது அப்போது இணைய சேவை மொத்தமாக முடக்கப்பட்டது. இதனால் மக்கள் தங்களுக்குள் தகவல்களைப் பரிமாற இந்த பிரிட்ஜ்ஃபை மெஷ் செயலியையே பயன்படுத்தினர்.