அனோரா

இந்த வருடத்துக்கான சிறந்த படம், சிறந்த இயக்குனர், சிறந்த நடிகை, சிறந்த திரைக்கதை, சிறந்த எடிட்டிங் என ஐந்து ஆஸ்கர் விருதுகள் உட்பட ஏராளமான விருதுகளை அள்ளிய ஆங்கிலப்படம், ‘அனோரா’. இப்போது ‘ஹாட் ஸ்டாரி’ல் பார்க்கலாம்.  இளம் பாலியல் தொழிலாளி அனோரா. 

ரஷ்யாவைச் சேர்ந்த பெரும் பணக்காரர் ஒருவரின் மகனைச் சந்திக்கும் வாய்ப்பு அனோராவுக்குக் கிடைக்கிறது. அந்தச் சந்திப்பும், அந்த பணக்கார இளைஞனுடனான உறவும் அனோராவின் வாழ்க்கை திசையை எப்படியெல்லாம் மாற்றுகிறது என்பதை நகைச்சுவை கலந்து சொல்லியிருக்கிறது திரைக்கதை.

பதினெட்டு வயதை அடைந்தவர்களுக்கான இப்படத்தின் இயக்குனர் ஷான்  பேக்கர். இவர் பாலியல் தொழிலாளிகளின் பல்வேறு பக்கங்களைக் குறித்து படங்களை எடுப்பவர். அவரது முந்தைய படம் பாலியல் தொழிலாளிகளுடைய குழந்தைகளின் உலகைச் சித்தரித்திருந்தது.

 இந்தப் படத்துக்கும்கூட நூற்றுக்கணக்கான பாலியல் தொழிலாளிகள், கிளப் டான்ஸர்களைச் சந்தித்துப் பேசியிருக்கிறார். “ஒரு பணக்காரனைப் பார்த்து கல்யாணம் செய்தால், இந்த தொழிலை செய்ய வேண்டியிருக்காது” என்று பல பாலியல் தொழிலாளிகள் சொல்லியிருக்கின்றனர்.  இந்த கல்யாண விருப்பம் அவரைப் பாதிக்க, அதையே படமாக்கிவிட்டார்.

 நகைக்கான தொகையைத் திருமணத்தின் போது கிடைக்கும் மொய் பணத்திலிருந்து கொடுத்தால் போதும். இப்படி கடற்கரை கிராமத்தில் நடக்கும் ஸ்டெபியின் கல்யாணத்துக்காக 25 பவுன் நகையைக் கொடுக்கிறார் அஜீஷ். கல்யாணம் முடிந்த பிறகு 13 பவுனுக்கான தொகையை மட்டுமே ஸ்டெபியின் குடும்பத்தினர் தருகின்றனர். 

மீதி 12 பவுனுக்கான தொகையைத் தருவதில்லை. மீதித் தொகையை அஜீஷ் எப்படி வாங்குகிறார் என்பதே திரில்லிங் திரைக்கதை. தங்க நகையைப் பற்றிய படமென்றாலும் கூட, நகையின் மீது ஒவ்வாமையை ஏற்படுத்துகிறது இந்தப் படம். அஜீஷாக கலக்கியிருக்கிறார் பேசில் ஜோசப். படத்தின் இயக்குனர் ஜோதிஷ் சங்கர்.

உலகமெங்கும் வசூலில் பட்டையைக் கிளப்பிய ஆங்கிலப் படம், ‘கிளாடியேட்டர்’. இதன் இரண்டாம் பாகம்தான் இது. இப்போது ‘அமேசான் ப்ரைமி’ல் தமிழ் டப்பிங்கில் காணக்கிடைக்கிறது.