மலையாளத்தில் நடிகையாக தடம் பதித்தவர் கோபிகா ரமேஷ். இப்போது ‘ஸ்வீட் ஹார்ட்’ படத்தின் வழியாக தமிழ் சினிமாவில் அடியெடுத்து வைத்துள்ளார். ஏற்கனவே இவர் ‘சுழல்’ வெப் தொடரில் நடித்தது சிலருக்கு ஞாபகம் இருக்கலாம். 

புரோமோஷனுக்காக சென்னை வந்தவரிடம் நேரில் சந்தித்துப் பேசினோம். குறுகிய காலத்தில் தனக்கு வாய்ப்புகள் அளித்த இயக்குநர்களுக்கும், ஆதரவு அளித்த ரசிகர்களுக்கும் நன்றியுள்ளவராக இருக்கிறார் என்பது  அவருடைய உரையாடலில் தெரிந்தது.

வீட்டைப் பொறுத்தவரை படிக்கிற சமயத்துல படிப்பில் மட்டுமே கவனம் இருக்கணும்னு படிப்புக்கு மட்டுமே முக்கியத்துவம் கொடுத்தார்கள்.ஒரு கட்டத்தில் எனக்கு நானே தைரியத்தை வரவழைச்சுக்கிட்டு வீட்டுக்குத் தெரியாமல் ஆடிஷன்களில் கலந்துக்க ஆரம்பிச்சேன். 

அப்போதுதான் சினிமா சான்ஸ் என்பது அவ்வளவு சுலபம் இல்லைன்னு நினைச்சேன். பல முறை என்னை ரிஜக்ட் பண்ணினார்கள்.‘முகம் சின்னதா இருக்கு, உயரம் குறைவு’ன்னு பல காரணங்களைச் சொல்லி திருப்பி அனுப்பினார்கள். அந்தச் சமயத்துல நான் எடுத்த அத்தனை முயற்சியும் ஃபெயிலர் ஆனதால காலேஜ் கன்டினியூ பண்ணலாம்னு படிப்புல கவனம் செலுத்த ஆரம்பிச்சேன்.

‘சூழல்’ வெப் சீரீஸ்தான் என்னுடைய முதல் தமிழ் சினிமா அனுபவம். இப்போது மீண்டும் தமிழில் நடிப்பது மகிழ்ச்சி. டீமைப் பொறுத்தவரை எல்லோரும் பழகுவதற்கு இனிமையானவர்கள். 

மறக்க முடியாதளவுக்கு எல்லோருடைய நட்பும் இருந்துச்சு. உதவி இயக்குநர்கள் தொடங்கி மொத்த யூனிட்டும் என் மீது தனி அன்பு செலுத்தினார்கள். ஷூட்டிங் போவதற்கு முன் ரிகர்சல் நடந்துச்சு. அதனால் படப்பிடிப்பில் எல்லோரிடமும் தயக்கமில்லாமல் பேசவும், பழகவும் முடிஞ்சது.

அந்த சீரீஸில் சினிமாவைப் பற்றி பல நுணுக்கங்களை கற்றுக் கொண்டேன். குறிப்பாக பார்த்திபன் சாரின் மகளாக நடித்தது கிரேட் எக்ஸ்பீரியன்ஸ். என்னைப் போன்ற புதுமுகத்துக்கு லெஜண்ட் ஆர்ட்டிஸ்ட்டான அவருடன் சேர்ந்து நடிக்கும் அனுபவம் அற்புதமானது. 

படப்பிடிப்புத் தளத்தில் என்னுடைய வேலையே அவரிடம் என்ன கற்றுக்கொள்ளலாம் என்று அவரையே கவனித்துக் கொண்டிருப்பேன். கேரக்டரை ஆர்ட்டிஸ்ட் சைட்ல இருந்து எப்படி இம்ப்ரவைஸ் பண்ணமுடியும் என்று பார்த்திபன் சாரிடமிருந்து கத்துக்கிட்டேன். படப்பிடிப்பு சமயத்தில் தினமும் அவர் எனக்காக சாக்லெட் வாங்கி வருவார்.

ஆர்ட்டிஸ்ட்டுக்கு மொழி தடையாக இருக்க முடியாது என்பது என்னுடைய நம்பிக்கை. மொழி என்பது கம்யூனிகேஷன் தேவைக்காக மட்டுமே. மற்றபடி பிற மொழிகளில் நடிக்க உள்ளூர் மொழிகளை அறிந்திருக்க வேண்டிய அவசியம் இல்லை. உதாரணத்துக்கு, நிறைய சர்வதேச படங்களைப் பார்க்கிறோம். 

அந்தப் படங்களை சப் டைட்டில் இல்லாமலேயே அந்தப் படம் சொல்ல வருகிற விஷயத்தை நம்மால் புரிந்துகொள்ள முடியும்.கதை மாந்தர்களின் உணர்வுகளை நம் வாழ்க்கையோடு கனெக்ட் செய்துகொள்ள முடியும். அந்த வகையில் கலைஞர்களுக்கு உள்ளூர் மொழிகள் தெரிந்தால் மட்டுமே நடிக்க முடியும் என்று எந்த தேவையும் இருக்க வேண்டிய அவசியம் இல்லை.

ஆமா. தமிழ் சினிமாவும், தமிழ் ரசிகர்களும் நான் இதுவரை பார்க்காத அன்பையும் ஆதரவையும் கொடுத்து வருகிறார்கள். அதே சமயம் மலையாள ரசிகர்களுக்கு என்னால் நன்றி சொல்லாமல் இருக்க முடியாது. 

ஏனெனில், அவர்களால்தான் நான் தமிழில் படங்கள் பண்ண ஆரம்பித்துள்ளேன். நல்ல படங்கள் பண்ணும்போது மலையாள ரசிகர்களிடமிருந்து நிச்சயம் பாராட்டு எதிர்பார்க்கலாம். அந்த வகையில் என்னை நடிகையாக ஏற்றுக்கொண்ட தமிழ் மற்றும் மலையாள ரசிகர்களுக்கு எப்போதும் என்னுடைய நன்றி இருக்கும்.