திரைகடலோடியும் திரவியம் தேடு என்பது தமிழர்களின் முதுமொழி. திரவியம் என்பது வெறும் பணமும் பொன்னும் அல்ல. கல்வியைக் கூட தமிழர்கள் கல்விச் செல்வம் என்றுதான் அழைத்தனர்; அழைக்கின்றனர். 

அப்படி கல்விச் செல்வத்துக்காக தமிழர்கள் மட்டுமல்லாது இந்தியர்களில் ஒரு குறிப்பிட்ட சதவீத்தினர் வெளிநாடுகளுக்கு படையெடுத்துச் செல்வது வழக்கம். வெளிநாடுகளில் உள்ள தலைசிறந்த பல்கலைக்கழகங்களில் பயில வேண்டும் என்பதற்காகவே பள்ளிக்காலம் முதல் தங்கள் உழைப்பைச் செலுத்தி வரும் பிள்ளைகளை காலம் காலமாக பார்த்து வருகிறோம்.

அப்படியிருக்க அண்மைக்காலமாக வெளிநாடுகளில் கல்வி கற்கும் ஆசை - லட்சியம் - மோகம் குறைந்து வருவதாக ஒன்றிய அரசின் ஒரு துறையே குறிப்பிடுகிறது.

‘2022ம் ஆண்டு 7 லட்சத்து 50 ஆயிரத்து 365 பேர் வெளிநாடுகளுக்குச் சென்றார்கள். இதுவே 2023ல் 8 லட்சத்து 92 ஆயிரத்து 989 ஆக அதிகரித்தது. ஆனால், கடந்த வருடம், அதாவது 2024ம் ஆண்டில் மீண்டும் 7 லட்சத்து 59 ஆயிரத்து 64 ஆக குறைந்துபோனது. 

2023ம் ஆண்டில் 8 லட்சத்து சொச்சம் மாணவர்களில் இருந்து 2024ம் ஆண்டில் 7 லட்சத்து சொச்சம் மாணவர்களாக குறைந்துபோனது 15 சதவீத வீழ்ச்சியைக் காண்பிக்கிறது’ எனச் சொல்லும் அமைச்சகம், என்னென்ன நாடுகளில் இந்த வீழ்ச்சி இருந்தது எனவும் பட்டியலிடுகிறது.

‘2023ல் கனடாவுக்கு சென்ற இந்திய மாணவர்கள் 2,33,532. இதுவே 2024ல் 1,37,608 ஆக குறைந்தது. 2023ம் ஆண்டில் அமெரிக்கா சென்ற மாணவர்கள் 2,34,473. இது கடந்த வருடம் 2,04,058 ஆக குறைந்தது. 2023ல் இங்கிலாந்துக்கு சென்றவர்கள் 1,36,921. 

இது 2024ல் 98,890 ஆக குறைந்தது. 2023ல் ஆஸ்திரேலியாவுக்கு சென்றவர்கள் 78,093. இது 2024ல் 68,572 ஆக குறைந்தது.

வெளிநாட்டில் கல்வி கற்கப் போகும் மாணவர்களின் வீழ்ச்சி, பாரம்பரியமாக படிக்கப் போகும் நாடுகளுக்கு இந்திய மாணவர்கள் போவது குறைந்திருப்பது, அதேநேரம் புதிய நாடுகளுக்குச் செல்வது அதிகரித்திருப்பது தொடர்பாக சென்னையில் இயங்கும் கல்வியாளர்களைத் தொடர்பு கொண்டு கேட்டோம். 

கேலக்சி அகாடமி எனும் வெளிநாட்டுக் கல்வி தொடர்பான ஆலோனை நிறுவனத் தலைவர் ஸ்ரீனிவாஸ் சம்பந்தம், ‘‘வெளிநாடுகளில் படிக்கப் போகும் மாணவர்களின் வீழ்ச்சி நிஜத்தில் கனடாவிலிருந்தே ஆரம்பிக்கிறது...’’ என்கிறார்.

அவர்களின் கல்விச் சான்றிதழ்களைப் பரிசோதித்தபோது அவர்கள் இந்தியாவின் ஆங்கில நுழைவுத் தேர்வில் தேர்ச்சி பெற்றதுமாதிரி எல்லாம் இருந்திருக்கிறது. 

மேலும் விசாரித்தபோது இதுமாதிரி இந்தியாவில் ஆள்மாறாட்டம் எல்லாம் செய்து கனடா வழியாக படிக்க எனும்போர்வையில் வந்த இந்திய மாணவர்களில் பலபேர் அமெரிக்காவில் சட்டத்துக்குப் புறம்பாக நுழைகிறார்கள் எனும் ஒரு குற்றம் கண்டுபிடிக்கப்பட்டது.

இதையொட்டி கனடாவும் அமெரிக்காவும் இந்திய மாணவர்களுக்கு வழங்கும் விசாவில் பெரிய கெடுபிடியைக் கொண்டுவந்தது...’’ எனச் சொல்லும் ஸ்ரீனிவாஸ் சம்பந்தம், கனடா, அமெரிக்காவின் இந்திய மாணவர்கள் பற்றியும் கூறினார்.

‘‘கடந்த ஆண்டு கனடாவில் நிஜார் எனும் ஒரு சீக்கியர் கொலையான சம்பவத்தை ஒட்டி கனடாவுக்கும் இந்தியாவுக்கும் இருந்த உறவில் விரிசல் வந்தது. இதனைத் தொடர்ந்தும் இந்திய மாணவர்களுக்கு வழங்கும் விசாவில் மீண்டும் ஒரு கெடுபிடியை கனடா செய்தது.

அமெரிக்காவைப் பொறுத்தளவில் டிரம்ப் அதிபராக களம் இறங்குவதற்கு முன்பாகவே இந்திய வம்சாவளி பற்றி ஒரு நெகடிவ்வான உணர்வே அமெரிக்க மக்களிடம் இருந்தது. சட்டத்துக்கு புறம்பாகவும் அல்லது சட்டத்துக்கு உட்பட்டு வந்தவர்களிடமும் அமெரிக்கா கொஞ்சம் ஒவ்வாமையை காண்பித்தது. 

இது இந்திய மாணவர்கள் மேலும் கறையை ஏற்படுத்தியது.நிஜத்தில் கனடா, அமெரிக்கா அல்லது ஆஸ்திரேலியாவில் இந்திய மாணவர்களின் எண்ணிக்கை குறையக் காரணம் இந்திய மாணவர்களுக்கு திறன் இல்லை என்பதல்ல.

இதுதான் இந்திய மாணவர்களின் வெளிநாட்டு கல்வியில் வீழ்ச்சியைக் கொண்டுவந்திருக்கிறது...’’ எனச் சொல்லும் சம்பந்தம் சில நாடுகளில் இந்திய மாணவர்களின் எண்ணிக்கை அதிகரித்திருப்பதற்கான காரணத்தையும் விவரித்தார்.‘‘எம்.பி.பி.எஸ் படிப்புக்கு பலகாலமாகவே ரஷ்யா பிரபலம். இதுதான் இந்திய மாணவர்கள் ரஷ்யாவுக்கு படிக்கச் செல்வதற்கான காரணம்.