உணவு நம் எல்லோருக்கும் பிடித்தமான ஒன்று. உலகமயமாக்கலின் விளைவாக இன்று எல்லா நாட்டு உணவுகளையும் உணவகங்களில் உண்டு மகிழ்கிறோம். இதனால் உணவக வணிகமும் பல்கிப் பெருகி உள்ளன.  

இந்த உணவக வணிகத்தில் பிரபல கிரிக்கெட் வீரர்களும் இருப்பதுதான் ஹைலைட்! உலகில் அதிக ரசிகர்களைக் கொண்டுள்ள இந்தியாவின் முன்னணி கிரிக்கெட் வீரரான விராட் கோலி, பங்களாதேஷ் அணியின் முன்னாள் கேப்டன் ஷாகிப் அல் ஹாசன், இலங்கையின் மகிளா ஜெயவர்த்தனே, பாகிஸ்தானின் சோயிப் மாலிக் எனப் பலரும் உணவகங்கள் நடத்தி வருகின்றனர். அதைப்பற்றிய ஒரு சிறிய தொகுப்பு இது.

இந்தியாவின் டாப் மோஸ்ட் கிரிக்கெட் வீரர் விராட் கோலி. உலக அளவில் அதிக ரசிகர்களைக் கொண்ட விளையாட்டு வீரர்களில் ஒருவரும்கூட. கோடிக்கணக்கானவர்கள் சமூக ஊடகங்களில் இவரை ஃபாலோ செய்து வருகின்றனர். 

உணவுப் பிரியரான விராட் கோலி கடந்த 2019ம் ஆண்டு உணவக வணிகத்திற்குள் வந்தார். முதன்முதலாக தலைநகர் தில்லியில், ‘One8 Commune’ என்ற ரெஸ்டாரண்டைத் தொடங்கினார்.

விராட் கோலி 2018ம் ஆண்டுக்குப் பிறகு அசைவத்திலிருந்து சைவ உணவுகளுக்கு மாறிவிட்டதாகச் சொல்லப்படுகிறது. அதனால், அவருக்குப் பிடித்தமான மஷ்ரூம் கூக்லி டிம் சம்ஸ் மற்றும் அவகேடோ டார்ட்டரே உள்ளிட்ட உணவுகள் இங்கே முக்கியத்துவமாக இடம்பிடித்துள்ளன. 

இதில் மஷ்ரூம் கூக்லி டிம் சம்ஸ் என்பது உருளைக்கிழங்கு, கோதுமை ஸ்டார்ச் மாவுகளுடன் காளான், பூண்டு ஆகியவை கொண்டு தயாரிக்கப்படும் பதார்த்தமாகும். இதுதவிர, அசைவ உணவுகளும் விராட் கோலி உணவக மெனுவில் சுவைகூட்டுகின்றன.  

இந்த உணவகத்தின் தொடக்க விழாவில் இன்சமாம்-உல்-ஹக், கம்ரான் அக்மல், வக்கார் யூனிஸ், பாபர் அசாம் உள்ளிட்ட சக கிரிக்கெட் வீரர்களை அழைத்து பார்ட்டி கொடுத்தார் சோயிப்.

இலங்கை அணியில் மிகச் சிறந்த வீரர்களாக ஜொலித்தவர்கள் மகிளா ஜெயவர்த்தனேவும், குமார சங்ககராவும். இருவருமே அதிரடி கிரிக்கெட்டுக்குப் புகழ்பெற்றவர்கள். அதுமட்டுமல்ல. சம வயதுடைய இருவருமே ஸ்ரீலங்கா அணியின் கேப்டன்களாகவும் திகழ்ந்தவர்கள். 

விளையாட்டில் ஜொலித்துக் கொண்டிருக்கும்போதே இவர்கள் இருவரும் இணைந்து உணவக வணிகத்திற்குள் நுழைந்தனர். அப்படியாக கடந்த 2011ம் ஆண்டு கொழும்புவில் கடல் உணவுகளுக்கான ஒரு பிரத்யேக உணவகத்தைத் தொடங்கினர். இதன் பெயர், ‘Ministry of Crab’.

குறிப்பாக இந்த உணவகம், ஏற்றுமதி குவாலிட்டி கொண்ட லகூன் நண்டுகளை உணவாக வழங்குகிறது. இதற்கான ஆலோசனைகளை வழங்கி, இந்த உணவகத்தின் கிச்சனை தலைமையேற்று கவனித்து வருகிறார் பிரபல ஜப்பானிய - இலங்கை செஃப்பான தர்ஷன் முனிதாசா. 

தற்போது கொழும்புவிற்குப் பிறகு மணிலா, ஷாங்காய், மும்பை, மாலத்தீவு ஆகிய இடங்களிலும் இந்த உணவகத்தை இவர்கள் விரிவுபடுத்தியுள்ளனர். அதுமட்டுமல்ல. ஆசியாவின் சிறந்த 50 உணவகங்களின் பட்டியலிலும் இந்த உணவகம் உள்ளது.

இவர்கள்தவிர, இந்திய கிரிக்கெட் அணியின் சிறந்த வேகப்பந்து வீச்சாளராக இருந்த ஜாகிர் கான் கடந்த 2005ம் ஆண்டிலிருந்து புனேவில், ‘Zaheer khan’s dine fine’ என்ற பெயரில் உணவகம் நடத்தி வருகிறார்.இதேபோல இந்திய கிரிக்கெட் அணியின் ஆல்ரவுண்டர் ரவீந்திர ஜடேஜா, ‘Jaddu’s Food Field’ எனும் உணவகத்தை குஜராத்தின் ராஜ்கோட்டில் நடத்தி வருகிறார்.