கலகல காமெடி, கலாய், இணைய பீரங்கி, கேன்ஸ் ரெட் கார்பெட்டைக் கடந்த கட்டழகி, அமீர்கான், மகேஷ் பாபு, ஏன் ஆஸ்கர் நாயகன் ஏ.ஆர்.ரகுமான் உட்பட இவருடன் 30 செகண்ட் ப்ரொமோஷன் ரீல் செய்ய நேரம் கேட்கும் அளவுக்கு இந்திய இன்டர்நெட் சென்சேஷன் நிஹாரிகா. சும்மா இல்லப்பு... 

மேடம் சொன்ன சும்மா வார்த்தையே இப்போ இன்டர்நேஷனல் டிரெண்ட். ஒரே நேரத்தில் தமிழ் சினிமாவில் நான்கு படங்களில் ஒப்பந்தமாகி இருக்கிறார். விட்டுவிடுவோமா, ஒரு ஹலோவை போட்டு வைத்தோம்.

‘பெருசு’... நிச்சயமா இந்திய சினிமாவில் இப்படி ஒரு கதையை யாரும் யோசித்திருக்க மாட்டாங்க. என்னால் கதையை கூட வெளிப்படையா சொல்ல முடியாது. பார்த்து சிரிச்சு நீங்களே என்ஜாய் பண்ணுங்க. டைரக்டர் இளங்கோ ராமை இப்படியொரு ஃபேமிலி அடல்ட் காமெடியை யோசிச்சதுக்கே பாராட்டணும்.

‘ஸ்டோன் பெஞ்ச்’ நிறுவனம் பொதுவா இப்படி எந்த நடிகரையும் ஒப்பந்தம் செய்ததில்லை. ஆனா, ஒரே சமயத்தில் என்னை மூன்று படங்களில் ஒப்பந்தம் செய்திருக்காங்க. அதில் ஒன்றுதான் ‘பெருசு’. இயக்குநர் கார்த்திக் சுப்புராஜ் மற்றும் கார்த்திகேயன் என்மேல் அவ்வளவு நம்பிக்கை வச்சிருக்காங்கன்னு நினைக்கிறேன்.

அந்த இடம் அப்படி. ‘இதயம் முரளி’ படத்தினுடைய இன்ட்ரோடக்‌ஷன் விழா. அது ஒரு காலேஜில் நடந்துச்சு. அங்கே போய் காதல்... வேலன்டைன்ஸ் டே இப்படி எல்லாம் பேசணுமா அப்படின்னு அந்த மொமெண்ட் தோணுச்சு. 

அதான் அதற்கு ஏத்த மாதிரி ‘என்னடா வேலன்டைன்ஸ் டே, வீட்ல சும்மா இருங்கடா, போய் படிங்க. ஏதாவது செல்ஃபி போட்டா ஸ்க்ரீன் ஷாட் உங்க அப்பா அம்மாவுக்கு அனுப்பிடுவேன்’ அப்படின்னு சொன்னேன். அது ரீல்ஸா சுத்த ஆரம்பிச்சு கடைசியில பசங்க மட்டுமில்லாம அவங்க பேரன்ட்ஸுக்கும் பிடிச்சு போயிடுச்சுன்னு நினைக்கிறேன்.