இமாச்சலப் பிரதேசத்தின் தலைநகரான சிம்லாவில் போக்குவரத்து நெருக்கடி அதிகம். அதனால் சிம்லாவிலிருந்து, இன்னொரு இடத்துக்குச் செல்வதற்கு அதிக நேரம் தேவை. இதனால் மக்களின் அன்றாட வாழ்க்கை பெரிதும் பாதிக்கப்படுகிறது. 

போக்குவரத்து நெருக்கடியையும், அதிக பயண நேரத்தையும் தவிர்ப்பதற்காக புது ரோப்வேயைக் கொண்டு வரப்போகிறது இமாச்சலப் பிரதேசத்தின் அரசு. இதுதான் இந்தியாவிலேயே மிக நீளமான ரோப்வே. கேபிள் கார் மூலமாக இந்த ரோப்வேயில் மக்கள் பயணிக்கலாம்.

இந்த ஸ்டேஷன்களில் எங்கு வேண்டுமானாலும் பயணிகள் இறங்கிக் கொள்ளலாம். எல்லா ஸ்டேஷன்களிலும் டிக்கெட் கிடைக்கும். ரோப்வே திட்டம் மக்களின் பயன்பாட்டுக்கு வரும்போதுதான் டிக்கெட்டின் விலையை நிர்ணயிக்கப் போகின்றனர். இந்தத் திட்டம் 2030ல் பயன்பாட்டுக்கு வரும் என்று எதிர்பார்க்கப்படுகிறது.

இப்போது சிம்லாவுக்கும் பர்வனூவுக்கும் இடையில் தினமும் சராசரியாக 20 ஆயிரம் முதல் 22 ஆயிரம் வாகனங்கள் பயணிக்கின்றன. வார இறுதியிலும், கோடை காலம், கிறிஸ்துமஸ், புது வருடம் போன்ற சுற்றுலா காலங்களிலும் வாகனங்களின் எண்ணிக்கை 40 ஆயிரம் முதல் 45 ஆயிரம் வரை அதிகரிக்கும்.