முருகனும், நானும் அமுதும் தமிழும்!

.... இப்படி முருகனை அனிமேட்டட் கேரக்டராக உருவாக்கி, தானும் முருகனும் ஒரு நண்பனாக சுற்றித் திரிந்தால் என்னவெல்லாம் பேசுவோம்... எப்படி எல்லாம் கலாய்த்துக்கொள்வோம் என யோசித்து கார்ட்டூன் ரீல்ஸ்களை வெளியிட்டு ட்ரெண்டாகிக் கொண்டிருக்கிறார் லோகநாதன்.

இவரது ‘முருகன் + மீ’ இன்ஸ்டாகிராம் மற்றும் சமூக வலைத்தள வீடியோக்கள் அத்தனையும் லட்சங்கள் மற்றும் மில்லியன்களை தொடுகின்றன. கடவுள் முருகனையே முஸ்தபா பாட வைத்து ‘மெய்யழகன்’ ஸ்டைலில் சைக்கிள் ஓட்ட வைத்து அத்தனை பேரையும் ஆச்சரியத்திலும் ஆனந்தத்திலும் ஆழ்த்தி வருகிறார் இந்த டிஜிட்டல் பக்தர்.

ஆனால், எனக்கு கனவு,  ஆசை எல்லாமே சினிமா டைரக்‌ஷன்தான். அதனால் வேலையை விட்டுட்டு டைரக்‌ஷன் பக்கம் என்னுடைய பாதையை மாற்றினேன்...’’ என்ற லோகநாதன், 2.5 லட்சம் சம்பளத்தை விட்டுவிட்டு சினிமா தேடலில் இறங்கியபோது வீட்டில் எப்படி ஏற்றுக் கொண்டார்கள் என்பதையும் விளக்கினார்.

 ‘‘அம்மாவைப் பொறுத்தவரை எங்களுக்கு என்ன பிடிக்குதோ அதை செய்யறதுக்கு முழு உரிமையும் சுதந்திரமும் கொடுத்திருக்காங்க. எனக்கு ஒரு தம்பி சந்திரமோகன். அவனும் அப்படித்தான். எங்க ரெண்டு பேர் மேலயும் அம்மாவுக்கு முழு நம்பிக்கை உண்டு. நாங்க எது செய்தாலும் நிச்சயம் அது நல்ல முடிவா இருக்கும் என்கிறதில் அம்மா உறுதியா இருந்தாங்க.

ஆனால், வேலையில் இருந்த நேரம்தான் என்னால் டிஜிட்டல் ஆர்ட் மற்றும் மோஷன் அனிமேஷன் கத்துக்க முடிஞ்சது. அதேநேரம் வேலையை விட்டுட்டு சினிமா வாய்ப்புக்காக தேடிக்கிட்டு இருந்தேன். 

அந்தவேளைலதான் ‘கனா’ படத்துக்காக அருண் ராஜா காமராஜா அண்ணனிடம் அசிஸ்டெண்டாக சேரும் வாய்ப்பு கிடைத்தது. தொடர்ந்து அவர் கூடவே பயணிக்க ஆரம்பிச்சேன். அதற்கிடையிலேதான் அதிகமான தனிமை, யார்கிட்டயாவது பேசணும் அப்படின்னு நினைப்பேன். வேலைக்காக சென்னை வரும் அத்தனை இளைஞர்களின் பொதுவான பிரச்னைதான் இது.

இன்னும் நிறைய கான்செப்ட் யூடியூப் வீடியோக்கள் எல்லாம் செய்யணும். உண்மையில் இந்த முருகன் கான்செப்ட்டுக்கு முழுமுதல் அடித்தளம் போட்டது என்னுடைய சினிமா ஸ்கிரிப்ட்தான்.