மலர்களில் அபூர்வ மலர்கள் உண்டு. அதுபோல்தான் சினிமாவுக்கு நடிகர் சபீர் கல்லரக்கல். இவரிடம் ஜெய்சங்கர் மாதிரி ஹீரோயிசத்தையும் பார்க்கலாம், நம்பியார் மாதிரி வில்லத்தனத்தையும் பார்க்கலாம்.  சினிமாவுக்கான ‘அ’ னாவை ‘ஆய்த எழுத்து’ படத்தில் கற்கத் தொடங்கியவர், ‘சார்பட்டா பரம்பரை’க்குப் பிறகு சினிமாவுக்கான மொழியை தன் வசப்படுத்தியவர்.

அப்பா, அம்மா கேரளா. நான் பிறந்தது, வளர்ந்தது, படிச்சது எல்லாமே சென்னையில்தான். சின்ன வயசுலேர்ந்து கிரிக்கெட்ல ஆர்வம். ஏராளமான லீக் மேட்ச் விளையாடியிருக்கிறேன். லண்டனிலும் சில காலம் கிரிக்கெட் விளையாடினேன். 

இந்திய அணிக்காக விளையாடணும் என்பதுதான் என்னுடைய லட்சியமா இருந்துச்சு. பிரபல கிரிக்கெட் வீரர் தினேஷ் கார்த்திக் என்னுடைய டீம் மேட்.‘ஆய்த எழுத்து’ பட வாய்ப்பு தற்செயலா நடந்துச்சு. அதுல நான் நடிச்சிருக்கிறேன்னு சொல்ல முடியாது. கூட்டத்தோடு ஒருத்தனா வந்துபோகும் அட்மாஸ்ஃபியர் கேரக்டர்.

எனக்கு அமைந்த படங்கள்தான் பல சிறந்த நடிகர்களுடன் ஸ்கிரீன் ஷேர் பண்ணும் வாய்ப்பை ஏற்படுத்திக் கொடுத்துச்சு. ஒருத்தர் நல்லா இருந்தா, ‘உங்க காட்டுல மழை பெய்யுது’ன்னு வேடிக்கையா சொல்லுவாங்க. 

அந்த மாதிரி இடத்துலதான் நான் இப்போ இருக்கிறேன்.அடுத்து, நீங்க சொன்ன நடிகர்கள் எல்லோருமே ஜாம்பவான்கள். பணிவானவர்கள். எவ்வளவு உயரத்துக்குப் போனாலும் தலைக்கனம் இல்லாம எப்படியிருக்கணும் என்பதை அவங்ககிட்டதான் கத்துக்கிட்டேன்.