உலகப் புகழ்பெற்ற நாவலைத் தழுவி, உருவான ஆங்கிலப்படம் , ‘இட் எண்ட்ஸ் வித் அஸ்’. ‘நெட்பிளிக்ஸி’ல் தமிழ் டப்பிங்கிலும் பார்க்கலாம். இறந்துபோன தந்தைக்குப் புகழஞ்சலி செலுத்துவதற்காக சொந்த ஊருக்கு வருகிறார் லில்லி.

பெரிய பதவியில் இருந்தவர் லில்லியின் தந்தை. அவருக்கு மரியாதை செலுத்தும் விதமாக அஞ்சலிக் கூட்டம் நடக்கிறது. அந்தக் கூட்டத்தில் கலந்துகொள்கிறாள் லில்லி. மேடையில் ஏறும் லில்லி, புகழஞ்சலி செலுத்தாமல் மௌனமாக நின்றுவிட்டு, கூட்டத்திலிருந்து வெளியேறுகிறாள்.

அவளுக்கு அப்பாவைச் சுத்தமாகப் பிடிக்காது. அப்பாவைப் பற்றி நல்லவிதமாகச் சொல்வதற்கு எதுவுமே இல்லை. நகரத்துக்குத் திரும்பும் லில்லி, புதுசாக ஒரு பிசினஸை ஆரம்பிக்கிறாள். எதேச்சையாக ரைலைச் சந்திக்கிறாள். இருவருக்கும் இடையில் காதல் மலர்கிறது. உறவை ஜாலியாகக் கொண்டு போக நினைக்கிறான் ரைல். 

ஆனால், தீவிரமாகக் கொண்டுபோக விரும்புகிறாள் லில்லி. ரைலும் லில்லியும் திருமணம் செய்துகொண்டார்களா? லில்லிக்கு ஏன் அவளது அப்பாவைப் பிடிக்கவில்லை என்பதை அழுத்தமாகச் சொல்லியிருக்கிறது திரைக்கதை.

கிரிஷ்ஷின் நண்பனான ரஹ்மானுக்கு நிகத் என்ற மகள் இருக்கிறாள். நிகத்துடன் மட்டுமே நட்புடன் இருக்கிறான் யுத்ரா. வளர்ந்து பெரியவனான பிறகும் அவனுடைய கோபம் அப்படியே பிரச்னையாக இருக்கிறது. கார்த்திக்கும், ரகுமானும் யுத்ராவுடைய கோபத்தைக் கண்காணிக்கின்றனர். 

அந்தக் கோபத்தை நல்ல வழியில் பயன்படுத்தலாம் என்று திட்டமிடுகின்றனர். யுத்ராவின் பெற்றோர் விபத்தில் இறக்கவில்லை. அவர்களின் மரணத்துக்குப் பின்னணியில் பெரும் போதைப் பொருள் கடத்தல் மன்னன் இருக்கிறான் என்ற விஷயம் யுத்ராவுக்குத் தெரிய வர, கோபக்காரனான யுத்ரா என்ன செய்கிறான் என்பதே மீதிக்கதை.  ஆக்‌ஷன் படப்பிரியர்கள் தவறவிடக்கூடாத இப்படத்தை இயக்கியிருப்பவர்  ரவி உதயவார்.

இஸ்பிரீத்தின் பெற்றோரைச் சந்தித்த பிறகு, அவன் தத்தெடுக்கப்பட்ட குழந்தை என்று தெரிய வருகிறது. மட்டுமல்ல, ஜாஸின் உயர் அதிகாரி பட்டேலுக்கும், இஸ்பீரித்தின் குடும்பத்தினருக்கும் இடையில் தொடர்பு என்று அவளுக்குத் தெரிய வருகிறது. போதைப் பொருள் கடத்தல் கும்பலுக்கும், அந்தக் குடும்பத்துக்கும் இடையில் தொடர்பு இருப்பதும் அவளுக்குத் தெரிய வருகிறது.

தேர்தல் நிமித்தமாக துப்பாக்கி வைத்திருப்பவர்கள் காவல்துறையிடம் தற்காலிகமாக ஒப்படைக்க வேண்டும். அப்புவிடமும் ஒரு துப்பாக்கி இருக்கிறது. ஆனால், அந்த துப்பாக்கியைக் காணவில்லை. 

உண்மையில் அந்த துப்பாக்கி எங்கு போனது? அஜய் மகனுக்கு என்னஆனது என்பதை உணர்வுபூர்வமாகச் சித்தரித்திருக்கிறது திரைக்கதை. மூன்றே கதாபாத்திரங்களை வைத்து, அற்புதமான ஒரு படத்தைக் கொடுத்திருக்கிறார் இயக்குநர் டின்ஜித் அய்யதான்.