‘பாணா காத்தாடி’ படத்தில் அறிமுகம்... தொடர்ந்து ‘முப்பொழுதும் உன் கற்பனைகள்’, ‘பரதேசி’, ‘சண்டிவீரன்’, ‘ஈட்டி’, ‘100’... இப்படி தனக்கே உரிய தனிப் பாதையில் பல படங்களைக் கொடுத்துக் கொண்டிருக்கிறார் நடிகர் அதர்வா முரளி. 

அப்பா பெரிய நடிகராக தமிழ் சினிமாவில் இருந்தாலும் அதர்வாவின் முதல் வாய்ப்பு துவங்கி இப்போது வரையிலும் முழுமையாக அத்தனையிலும் அவரது சொந்த முயற்சியும் கடின உழைப்பும் இருப்பதை நாம் மறுக்க முடியாது. இதோ தற்போது முற்றிலும் வித்தியாசமான கதைக் களத்தில் ‘துருவங்கள் பதினாறு’ படப் புகழ் கார்த்திக் நரேன் இயக்கத்தில் ‘நிறங்கள் மூன்று’ படம் கொடுக்க தயாராக இருக்கும் அதர்வா முரளி, உற்சாகமாகப் பேசுகிறார்.

ஒரு மனுஷனுக்குள்ள இந்த மூணு குணங்கள்தான் இருக்கும். ஒண்ணு நல்லவன், இன்னொண்ணு கெட்டவன். 

மூணாவதா ஒரு கேரக்டர்- இந்த ரெண்டுமா நடிக்கிறவன்.ஒருத்தன் நல்லவனாகறதும் கெட்டவன் ஆகறதும் சூழலைப் பொறுத்துதான். அப்படி இந்தப் படத்தில் நிறைய கேரக்டர்கள் இருக்காங்க. அவங்களுக்கான சூழல் என்ன... அதற்கு அவங்க எப்படி ரியாக்ட் பண்றாங்க... அப்படிங்கிறதுதான் கதை.

‘டி என் ஏ’ படத்தின் வேலைகள் எல்லாமே முடிஞ்சிடுச்சு. இந்தப் படத்தின் ரிலீசுக்குப் பிறகு ‘டி என் ஏ’ படத்தின் புரமோஷன், ரிலீஸ் எல்லாமே அடுத்தடுத்து நடக்கும்.