கம்மந்த கம்மந்த ம்...

உலகம் முழுவதும் 5 ஆயிரத்துக்கும் மேலான பழங்குடி இனக்குழுக்கள் இருக்கின்றன. இந்த 5 ஆயிரத்துக்கு மேலான இனங்கள், 7 ஆயிரத்துக்கும் மேலான மொழிகளைப் பேசுகின்றனர்.
90 நாடுகளில் சுமார் 48 கோடி பழங்குடி மக்கள் வசித்து வருகின்றனர். அதாவது உலகின் மொத்த மக்கள் தொகையில் 6.2 சதவீதத்தினர் மட்டுமே பழங்குடி மக்கள். இந்தப் பழங்குடிகளில் பிரபலமான ஓர் இனம், மாவோரி.

பதினான்காம் நூற்றாண்டில் கிழக்கு பாலினேசியாவில் இருந்து நியூசிலாந்துக்கு இடம்பெயர்ந்த பழங்குடி இனத்தவர்கள்தான், இந்த மாவோரி மக்கள். இன்று நியூசிலாந்தின் மக்கள் தொகையில் இருபது சதவீதத்தினர் மாவோரி மக்கள்தான். நியூசிலாந்தில் சுமார் 10 லட்சம், ஆஸ்திரேலியாவில் 1.7 லட்சம், இங்கிலாந்தில் 8 ஆயிரம், அமெரிக்காவில் 3,500, கனடாவில் 2,500, மற்ற பகுதிகளில் 8,000 என உலகம் முழுவதும் 12 லட்சம் மாவோரி மக்கள் இருக்கின்றனர்.