இத்திருமணங்கள் சுமார் 6 லட்சம் கோடி ரூபாய் அளவுக்கு வணிக வாய்ப்புகளை உண்டாக்கும் என்கின்றனர் பொருளாதார நிபுணர்கள். 

குறிப்பாக தில்லியில் மட்டுமே 4.5 லட்சம் திருமணங்கள் நடக்கலாம் என்று எதிர்பார்க்கப்படுகிறது. தில்லியில் நடக்கும் திருமணங்கள் மூலம் நிகழும் வணிகப் பரிவர்த்தனைகள், உள்நாட்டுப் பொருளாதாரத்துக்கு சுமார் 1.5 லட்சம் கோடி ரூபாய் அளவுக்குப் பங்களிப்பு செய்யும் என்கின்றனர்.

இந்தக் கல்யாணத் திருவிழா கடந்த நவம்பர் 12ம் தேதியிலிருந்து சூடுபிடித்திருக்கிறது. அதுவும் குறிப்பாக நவம்பர் 12, 13, 17, 18, 22, 23, 25, 26, 28, மற்றும் 29 ஆகிய தேதிகளிலும் , டிசம்பர் 4, 5, 9, 10, 11, 14, 15, 16 ஆகிய தேதிகளிலும் திருமண நிகழ்வுகள் பற்றி எரியும். 

இந்தத் தேதிகளில் இந்தியாவில் உள்ள அனைத்து மண்டபங்களிலும் திருமண நிகழ்வுகள் நடக்கும். பலருக்கு மண்டபம் கிடைக்காமல் கோயில்களில் நடத்துவார்கள். வசதியானவர்கள் நட்சத்திர விடுதிகளில் திருமணத்தை நடத்துவார்கள். இந்தியாவில் எங்கெல்லாம் திருமணத்தை நடத்த முடியுமோ அந்த இடங்கள் எல்லாம் திருமண நிகழ்வுகளால் நிறைந்திருக்கும்.

ஒவ்வொரு திருமணத்துக்கும் 15 லட்ச ரூபாய் செலவு என்ற அளவில் இன்னொரு 10 லட்சம் திருமணங்கள் நடக்கும். ஒவ்வொரு திருமணத்துக்கும் 25 லட்ச ரூபாய் செலவு என்ற அளவில் மற்றுமொரு 7 லட்சம் திருமணங்கள் நடக்கும். ஒவ்வொரு திருமணத்துக்கும் 50 லட்ச ரூபாய் செலவு என்ற அளவில் இன்னொரு 50,000 திருமணங்கள் நடக்கும். 

ஒவ்வொரு திருமணத்துக்கும் ஒரு கோடி ரூபாய் மற்றும் அதற்கு மேலான செலவு என்ற அளவில் மீதமிருக்கும் 50,000 திருமணங்கள் நடக்கும் என்று அகில இந்திய வணிகர்களின் கூட்டமைப்பு கணித்திருக்கிறது.மட்டுமல்ல, திருமணத்துக்கான செலவுகளைப் பொருட்கள் மற்றும் சேவை என்று இருவகையாகப்  பிரிக்கின்றனர்.

தவிர, சொந்த ஊரை விட்டு, புகழ்பெற்ற ஊர் அல்லது சுற்றுலா தலங்களுக்குச் சென்று திருமணம் செய்துகொள்ளும் ‘டெஸ்டினேஷன் வெட்டிங்’ என்கிற புதிய வகை திருமண முறையும் இந்தியாவில் அதிகரித்துள்ளது. ‘‘நவம்பர், டிசம்பரில் டெஸ்டினேஷன் வெட்டிங் செய்துகொள்பவர்களின் எண்ணிக்கை அதிகமாக இருக்கும். 

இன்று திருமணம் செய்துகொள்ளும் இளைஞர்களின் மத்தியில் டெஸ்டினேஷன் வெட்டிங்கிற்கான மோகம் அதிகரித்துள்ளது. திருமணம் மற்றும் தேன் நிலவுக்கும் சேர்த்து கவர்ச்சியான ஓர் இடத்தைத்தான் டெஸ்டினேஷன் வெட்டிங்கிற்குத் தேர்வு செய்கின்றனர்.

வழக்கமாக நடக்கும் திருமணங்களைவிட, டெஸ்டினேஷன் வெட்டிங்கில் செலவு அதிகம். இத்தகைய திருமண நிகழ்வுகளால் பல சுற்றுலா தலங்கள் வணிக ரீதியாக மேம்படுகின்றன என்கின்றனர். கடந்த வருடத்தில் நவம்பர், டிசம்பர் மாதங்களில் மட்டுமே 35 லட்சம் திருமணங்கள் நடந்திருக்கின்றன. 

சுமார் 4.25 லட்சம் கோடி ரூபாய் அளவுக்குத் திருமணம் சார்ந்த வணிகப் பரிவர்த்தனைகளும் நடந்திருக்கிறது என்பது குறிப்பிடத்தக்கது. மட்டுமல்ல, மீண்டும் அடுத்த வருடம் ஜனவரி மாதத்தின் மத்தியில் சூடுபிடிக்க ஆரம்பிக்கும் திருமண நிகழ்வுகள், மார்ச் மாதம் வரைக்குமே பற்றி எரியும்.