இந்தியாவில் மத்திய தர வர்க்கம் குறைந்து வருகிறதா?

ஓர் அதிர்ச்சி ரிப்போர்ட்

பல நாடுகளின் தலையெழுத்தை தீர்மானிப்பதில் மிடில் கிளாஸ் எனச் சொல்லப்படும் மத்திய தர வர்க்கத்தினருக்குப் பெரும் பங்கு இருந்திருக்கிறது. இந்தியாவின் வளர்ச்சியிலும் முக்கியமான ஓர் இடத்தை மத்திய தர வர்க்கத்தினர் வகித்து வருகின்றனர். சமீப நாட்களாக இந்தியாவில் மத்திய தர வர்க்கத்தினரின் எண்ணிக்கை குறைந்து வருகிறது என்ற அதிர்ச்சி செய்திகள் வருகின்றன. அதாவது மத்திய தர வர்க்கத்தினர், கீழ் மத்திய தர வர்க்கத்தினராக மாறி வருகின்றனர். உண்மையில் என்ன நடக்கிறது என்று ஆராய்ந்தோம்.

பொதுவாக மத்திய தர வர்க்கம் நன்றாக இருக்கிறது என்றால் முதலில் அப்பட்டமாக தெரியும் ஒரு துறை, நுகர்வுப் பொருட்கள் துறைதான். இந்த நுகர்வுப் பொருட்கள் பண்டிகை காலங்களில் கூட விலைபோகாமல், குடோன்களில் தூங்குவதாக சொல்கிறார்கள் பொருளாதார நிபுணர்கள். நுகர்வுப் பொருட்களுக்கு அடுத்து டூ வீலர் மற்றும் கார் போன்றவை. பொதுவாக மிடில் கிளாஸ் வளர்ச்சியுறுகிறது என்றால் அந்த ஆண்டில் இந்த இரு பொருட்களின் விற்பனையும் படுஜோராக இருக்கும்.