ஒளிப்பதிவாளரும் நடிகருமான நட்ராஜ், கோலிவுட் முதல் பாலிவுட் வரை புகழ் பெற்றவர். ஆனால், எளிமையாக, யதார்த்தமாகப் பழகக்கூடியவர். அவருடைய மென்மையான வார்த்தைகள் கடினமான மனிதர்களையும் கரைய வைத்துவிடும். 

‘யூத்’, நாளை’, ‘மிளகா’, ‘கர்ணன்’, ‘சதுரங்கவேட்டை’, ‘பரினீதா’, ‘ராஞ்சனா’ உட்பட பல படங்களில் ஒளிப்பதிவாளராகவும் நடிகராகவும் தன் திறமையை வெளிப்படுத்தியவர். இப்போது இயக்குநர்கள் தேடும் நடிகராக வலம் வந்துகொண்டிருக்கிறார். சமீபத்தில் இவர் நடித்த ‘பிரதர்’, ‘கங்குவா’ வெளியான நிலையில் நட்ராஜ் என்கிற நட்டியை சந்தித்தோம்.

இதுல எடை போடுறதுக்கு என்ன இருக்கு! வாய்ப்பு கொடுத்த தயாரிப்பாளர்கள், இயக்குநர்களுக்குதான் நன்றி சொல்லணும். 

இன்ட்ரஸ்ட்டிங்கான ரோல் இருந்துச்சுன்னா நட்டியை கூப்பிடுங்கன்னு நடிக்க வாய்ப்பு கொடுக்கிறாங்க. கேமராமேனா கடின உழைப்பு தேவைப்படும்போது நட்டியை கூப்பிடுங்கன்னு சொல்றாங்க. இது எல்லாமே கடவுள் கொடுத்தது.

எந்த வேலையிலும் கஷ்டம், சந்தோஷம் இருக்கும். கஷ்டத்தை தவிர்க்க முடியாது. கஷ்டப்பட்டால்தான் முன்னேற முடியும். அந்தவகையில் எனக்கு வாய்ப்பு கொடுத்த அனைவருக்கும் நன்றி.

இங்கு வாய்ப்பு கிடைத்தவர்கள், கிடைக்காதவர்கள் என்ற வித்தியாத்தை தவிர மற்றபடி எல்லோரும் திறமைசாலிகள். கதாபாத்திரத்தை புரிஞ்சுக்கிட்டா தூள் கிளப்பிடுவாங்க. டவுட் வரும்போதுதான் கொஞ்சம் தடுமாறுவாங்க.

சினிமா கூட்டு முயற்சி. ரிகர்சல் பண்ணும்போதே இந்த இடத்துல இவர் ஸ்கோர் பண்ண முடியும், அந்த இடத்துல நாம் ஸ்கோர் பண்ண முடியும் என்று தெரிஞ்சுடும். ஒருவருக்கு ஒருவர் விட்டுக்கொடுக்கும்போது நல்ல ரிசல்ட் கிடைக்கும். அப்படியொரு கூட்டு முயற்சியால்தான் ‘மகாராஜா’, ‘கடைசி உலகப் போர்’ மாதிரி நல்ல படங்கள் வெளிவருகிறது.

ஷூட் முடிச்சுட்டு ரூம் போவோம். குளிச்சுட்டு, சாப்பிட ஒன்பது மணி ஆகும். அப்போது டங் டங் ன்னு மெட்டல் சத்தம் கேட்கும். சூர்யா சார் ஒர்க் அவுட் பண்ணிட்டு இருப்பார். பதினொரு மணி வரை ஒர்க்அவுட் பண்ணிட்டு மறுபடியும் மூணு மணிக்கு மேக்கப் போட ஆரம்பிச்சுடுவார். படத்துக்காக தன் உருவ அமைப்பையே மாத்திக்கிட்டார். 

அந்தளவுக்கு டெடிகேஷனை நான் பார்த்ததில்லை. அந்த ஸ்பெஷல் டிரஸ் போட்டா சாப்பிடவும் முடியாது. ஸ்பூன்லதான் சாப்பாடு. அதுவும் கொஞ்சம்தான். நைட்தான் வயிறு நிறைய சாப்பிட முடியும்.

நான் ஹீரோவா நடிக்கும்போது என்னுடனும் கேரக்டர் ஆர்ட்டிஸ்ட் நடிக்கிறாங்க. அவர்களிடமிருந்தும் கத்துக்கிறேன். ஒவ்வொரு படமும், ஒவ்வொரு நடிகரும் லேர்னிங் பிராசஸ். அது பிடிச்சிருக்கு.‘சதுரங்க வேட்டை’  ரசிகர்கள் மத்தியில் இப்போதும் பேசப்படுகிறது. அதற்கு என்ன காரணம் என்று நினைக்கிறீர்கள்?

பத்து வருஷம் ஆனபிறகும் கொண்டாடுறாங்க. என்னை மட்டுமல்ல, அதுல நடிச்ச எல்லோரையும் பார்க்கும்போது ‘சதுரங்க வேட்டை’யில் நல்லா பண்ணியிருந்தீங்கன்னு சொல்வாங்க.

தியேட்டர்ல பலதரபட்ட மக்கள் உட்கார்ந்து இருப்பார்கள். அந்த வகையில் தியேட்டர் அதன் வசீகரத்தை இழக்காது.  சினிமாவில் இப்போதுதான் தன் பயணத்தை தொடங்க நினைக்கும் நட்ராஜிடம் இரண்டு விஷயங்கள் சொல்ல வேண்டும் என்றால் என்ன சொல்வீர்கள்?கண்ணையும் காதையும் திறந்து வெச்சுக்க. 

உன்னைச் சுற்றி நடக்கும் விஷயங்களை ஏற்றுக்கொள். நிறைய படி. படிச்சதை மனசுல ஏத்து. எல்லா வகை படங்களையும் பார். அதுல என்ன கத்துக்க முடியும்னு முயற்சி செய். படங்கள் பார்க்கும்போதுதான் புதுசா கத்துக்க முடியும். இரண்டு கேட்டீங்க. நாலு சொல்லிட்டேன்.