‘பொன்னியின் செல்வன்’ பூங்குழலி கதாபாத்திரத்தை அவ்வளவு எளிதில் யாரும் மறந்திருக்கமாட்டார்கள். அகமும் முகமும் மகிழ்ச்சி கொப்பளிக்க அதில் நடித்தவர் ஐஸ்வர்யா லட்சுமி.

பெரிய சூத்திரமெல்லாம் கிடையாது. என்னைப் பொறுத்தவரை ஒரு படத்தை செலக்ட் பண்ண ரொம்ப டைம் எடுத்துக்க மாட்டேன். எப்படியென்றால், கதை கேட்கும்போது எனக்கு சில கேள்விகள் இருக்கும். 

அதற்கு திருப்திகரமான பதில் வரும்போது உடனே ஓகே சொல்லிடுவேன்.இந்தப் படத்தை ஓடிடியில் பார்க்க முடியுமா, என்னுடைய கதாபாத்திரம் கதையை நகர்த்த உதவுமா, என்னுடைய கதாபாத்திரத்துக்கான முக்கியத்துவம் குறைக்கப்பட்டாலும் படம் மக்கள் மத்தியில் சென்றடையுமா என்றெல்லாம் யோசிச்ச பிறகுதான் படங்களை கமிட் செய்கிறேன்.

சினிமாவுக்கு வந்த சமயத்தில் சராசரி நடிகையாக, கிடைச்ச வாய்ப்பை நழுவ விடாமல் படங்களை கமிட் செய்த காலம் உண்டு. அந்தப் படங்களில் எனக்கான முக்கியத்துவம் குறைவாகவே இருந்துச்சு. அந்த சமயங்களில் எனக்கு இரண்டு வாய்ப்புகள் மட்டுமே இருந்துச்சு. ஒண்ணு, வந்த வாய்ப்பை பண்ணணும். 

இல்லைன்னா வீட்ல சும்மா உட்கார்ந்திருக்கணும். அப்போது நான் ரிஸ்க் எடுக்க விரும்பினேன் என்பதோடு அந்தப் படங்கள் என் கரியருக்கு உதவியா இருக்கும் என்றும் நம்பினேன். அப்படி ஆரம்ப கால படங்கள் தமிழ் சினிமாவைப் புரிந்துகொள்ளும் வாய்ப்பாக இருந்துச்சு.

என் வாழ்க்கை இப்படித்தான் இருக்கணும் என்று விரும்பினேன். மலையாளத்தில் ‘ஹலோ மம்மி’ முடிந்துவிட்டது. தமிழில் ‘தக் லைஃப்’, வெப் தொடர் இருக்கு. தெலுங்கில் சாய் தரம் தேஜ் படம் இருக்கு. 

தொடர்ந்து படங்கள் செய்யும்போது அது என் கவனத்தை ஒருமுகப்படுத்துகிறது. எல்லா மொழிகளிலும் எனக்கான ஸ்பேஸ் கிடைச்சிருக்கு. எனக்கு மல்டி மில்லியனர் ஆகணும் என்ற ஆசையெல்லாம் கிடையாது. நான் என்ன வேலை செய்கிறேனோ அந்த வேலையை மகிழ்ச்சியோடு செய்ய விரும்புகிறேன்.

‘ஓணம்’ எப்போதும் என்னுடைய ஸ்பெஷல். பண்டிகை என்றாலே கோயில், விருந்து, சுற்றம், நட்பு என பொழுது போவது தெரியாது. பண்டிகை கொண்டாட்டங்களைப் பொறுத்தவரை சமீபத்தில் நான் கற்றுக் கொண்டது இதுதான்... நம்முடைய வாழ்க்கையில் சிறிதோ, பெரிதோ எல்லாவற்றையும் நாம் கொண்டாட வேண்டும். 

அதுக்காக விமரிசையாகக் கொண்டாடணும்னு அவசியம் இல்லை. இருக்கிறதை வெச்சு சிம்பிளாவும் கொண்டாடலாம். அது பண்டிகையா இருக்கலாம், பிறந்த நாளா இருக்கலாம். அப்படிச் செய்யும்போது நமக்கு பிடிச்சவங்க நம்மோடு இருப்பதோடு நமக்கும் அவர்களுக்குமான பந்தபாசம் அதிகமாகிறது.

அந்த மாதிரி நிகழ்ச்சிகள இரு தரப்புக்குமிடையே உள்ள வேற்றுமைகளை களைவதற்கு வழிகளை ஏற்படுத்திக் கொடுக்கும். அது மட்டுமல்ல, பொக்கிஷம் மாதிரி வாழ்நாள் முழுவதும் நினைச்சுப் பார்க்கும்படியான நினைவுகளை ஏற்படுத்துகிறது.

நம்மைச் சுற்றி உள்ளவர்களிடம் அன்பு காண்பிக்க விழாக் கால கொண்டாட்டங்கள் நல்ல வாய்ப்பாக அமைகிறது. சமீப காலமாக சில விஷயங்களுக்கு எதிர்வினையாற்றுவதை நிறுத்திவிட்டேன். மாறாக, பிரச்னைகளை அன்புடன் சமாளிக்க வேண்டும் என்று தீர்மானித்துள்ளேன். அதை என்னுடைய வாழ்க்கை நெறியாக வரித்துக்கொண்டதில் மகிழ்ச்சி!