அரவிந்த்சாமியின் மகள் ஆதிரா. சினிமா நடிகை ஆவதற்கான அனைத்துத் தகுதிகளும் இருந்தாலும் தனக்கென தனி பாதையைத் தேர்ந்தெடுத்துள்ளார். அது சமையற் கலை. வெளிநாடுகளில் நுண்கலையில் பட்டங்களை வென்ற அவர் கூடவே சமையல் கலையிலும் ஆர்வம் கொண்டார். 

அதையும் முறைப்படி கற்றுத் தேர்ந்தெடுத்தார். தென்னிந்திய,  இலங்கை உணவு வகைகளை உலகம் முழுக்கக் கொண்டு செல்வது, உலகில் உள்ள மேற்கத்திய உணவுகளை, குறிப்பாக கேக், பிஸ்கட்டுகளை இந்தியாவுக்குக் கொண்டு வருவதுதான் எனது நோக்கம் என்று அவர் ஏற்கெனவே பல நேர்காணல்களில் தெரிவித்திருக்கிறார். 

இப்போது அவர் தனக்கென தனி சமூக வலைத்தளத் தொடர்புகளை ஏற்படுத்தி உள்ளார். அதன்மூலம் தான் தயாரிக்கும் உணவு களின் செய்முறையைப் பகிர்ந்துவருகிறார். லட்சக்கணக்கானவர்கள் ஆதிராவைப் பின்தொடர்கிறார்கள். சமையல் உலகில் தனக்கென தனி இடத்தைப் பிடித்திருக்கிறார் ஆதிரா.

மிமிக்ரி கலைஞராக வாழ்க்கையைத் தொடங்கி, பின்னர் நாடகங்களில் நடித்து, சினிமாவில் காமெடி நடிகர் ஆனவர் சின்னி ஜெயந்த். ஆனால், அவரது மகன் ஸ்ருதன் ஜெய் நாராயணனுக்கோ கலெக்டர் ஆவதுதான் கனவு. பள்ளி, கல்லூரியில் படிக்கும் காலத்திலேயே பாடத்திட்ட புத்தகங்களைவிட அதிகம் படித்தது ஐஏஎஸ் தேர்வு புத்தகங்களைத்தான். 

சினிமா பக்கம் சிறிதும் திரும்பாமல் படிப்பிலேயே கவனம் செலுத்தி 2019ம் ஆண்டு நடந்த ஐஏஎஸ் தேர்வில் இந்திய அளவில் 75வது இடத்தைப் பிடித்து வெற்றி பெற்றார். மத்திய அரசின் திறன் மேம்பாட்டுத்துறை உதவிச் செயலராகப் பணி அமர்த்தப்பட்டு, இப்போது திருப்பூர் மாவட்ட உதவி கலெக்டராக பணிபுரிகிறார்.

காட்மண்டுவில் நடந்த தெற்காசிய விளையாட்டுப் போட்டியில் பதக்கங்களைக் குவித்தார். ‘அவளுக்கு மூன்று வயது முதலே நீச்சலில் ஆர்வம். தண்ணீரைக் கண்டாலே உற்சாகமாகி விடுவாள். இதை நான் முதலிலேயே கண்டுபிடித்துவிட்டேன். தொடர்ந்து அதில் அவளை ஊக்கப்படுத்திவந்தேன். 

சர்வதேசப் போட்டிகளுக்குச் செல்லும்போது பாதுகாப்புக்காக நானும் செல்ல வேண்டி இருந்ததால், பல பட வாய்ப்புகளை இழந்தேன். படங்களைவிட எனது மகளின் சாதனையே எனக்குப் பெரிதாகத் தெரிந்தது. ஆசிய விளையாட்டுப் போட்டியில் வென்று அவர் நம் தேசியக் கொடியுடன் நின்றதைப் பார்த்த வுடன் சினிமாவில் நான் சாதித்ததெல்லாம் ஒன்றுமே இல்லை என்று தோன்றியது’ என்கிறார் தலைவாசல் விஜய்.

 ‘மகிழ்மதி இயக்கம்’ என்ற இயக்கத்தைத் தொடங்கி நடத்தி வருகிறார். விரைவில் அரசியலுக்கு வரும் திட்டத்தையும் வைத்திருக்கிறார். ‘என் குழந்தைகள் மீது அசைக்கமுடியாத நம்பிக்கை கொண்டுள்ள தகப்பன் நான். என் மகளை தைரியமான பெண்ணாக வளர்த்திருக்கிறேன். 

ஒரு ஊட்டச்சத்து நிபுணராக திவ்யாவின் வெற்றியை நினைத்துப் பெருமைப்படுகிறேன். திவ்யாவின் அரசியல் பாதையிலும் ஒரு தகப்பனாகவும், நண்பனாகவும் என் மகளுக்குப் பக்கபலமாக இருப்பேன். நிச்சயமாக என் மகளுக்காகப் பிரசாரம் செய்வேன்’ என்று கூறியிருக்கிறார் சத்யராஜ்.