‘‘விமானத்தில் விபத்து ஏற்பட்டால் விபத்தில் என்ன நடந்தது என தெரிந்துகொள்ள கருப்புப் பெட்டியைத்தான் தேடுவாங்க. 

அப்படி கருப்புப் பெட்டி என்பது அவ்வளவு முக்கியமான ஒன்று. அப்படித்தான் இந்தக் கதையிலும் கருப்புப் பெட்டி போன்ற முக்கியமான விஷயத்தைத் தேடுகின்றனர். அதனால்தான் படத்திற்கு இந்தத் தலைப்பு... கதைப்படி இதுதான் தலைப்பு’’ என ஆரம்பித்தார் அறிமுக இயக்குநர் எஸ்.தாஸ்.

எஸ்.தாஸ் இயக்கத்தில், ஜேகே ஃபிலிம் புரொடக்‌ஷன்ஸ் சார்பில் கே.சி.பிரபாத் தயாரித்து அவரே நாயகனாக நடிக்கும் படம், ‘கருப்புப் பெட்டி’. தேவிகா வேணு நாயகியாக நடித்துள்ளார். மோசஸ் டேனியல் ஒளிப்பதிவு செய்துள்ள இப்படத்திற்கு அருண் இசை அமைத்துள்ளார்.  

‘‘சுமார் 25 வருடங்களுக்கு மேல இந்த சினிமா துறையில் இருக்கேன். எனக்கு சொந்த ஊர் பொள்ளாச்சி. உடன் இருந்த அத்தனை பேரும் சினிமா கலைஞர்கள்தான் என்கிறதாலேயே எனக்கென தனி ஒரு அடையாளம் இல்லை என்றாலும் சினிமா என்னை விடலை.  

ஆனாலும் எனக்கான அங்கீகாரம் முக்கியம் என்கிறதால் பல வருட காத்திருப்புக்குப் பிறகு இப்போ முதல் படம். படத்தின் நாயகனும், தயாரிப்பாளருமான கே.சி.பிரபாத் என் மீதும், என் கதை மீதும் வைத்த நம்பிக்கையால்தான் இன்னைக்கு இந்த அளவுக்கு படத்தை உருவாக்க முடிஞ்சது. 

இவர்தான் ‘பில்லா பாண்டி’ படத்தின் தயாரிப்பாளர்...’’ புன்னகைத்த எஸ்.தாஸ், என்ன கதை, என்ன களம் எனத் தொடர்ந்தார். ‘‘உண்மையில் ‘ஏ’ சர்டிபிகேட்தான் சென்சார் தரப்பில் கொடுப்பார்கள் என நினைத்தோம். அந்த அளவுக்கு ஸ்டிராங்கான கான்செப்ட். ரொம்ப நல்லவன், சின்சியர் மனிதன், ஆபீசுக்கு லீவு கூட போட மறுக்கும் அளவுக்கு நேர்மையான மனிதன்.