வடக்குப்பட்டி ராமசாமி ரகசியங்கள்

எந்த சர்ச்சையையும் கிளப்பும் நோக்கம் எங்களுக்கு இல்லை... சோஷியல் மீடியாவில் மிதிபடுவோம்னு நாங்களே எதிர்பார்க் கலை...

‘ஒரு விசித்திரமான கிராமம். ஆண்டு 1974...’ சொல்லி முடித்ததும் வரும் ‘நேர்ல பார்த்தால்..?’ என்னும் ஒற்றை வார்த்தையிலேயே காமெடி கலாட்டா வசனங்கள் சகிதமாக சந்தானத்தின் ‘வடக்குப்பட்டி ராமசாமி’ பட டிரெய்லர் கவனம் ஈர்த்து கலகலப்பூட்டுகிறது. இன்னொரு பக்கம் கலகத்தையும் உண்டாக்கியிருக்கிறது. என்ன சொல்கிறார் இயக்குநர் கார்த்தி யோகி? அறிய
சந்தித்தோம்.

‘டிக்கிலோனா’, ‘வடக்குப்பட்டி ராமசாமி’... கவுண்டமணியின் அடையாளங்களாகவே தலைப்புகளில் வைக்கிறீர்களே... என்ன காரணம்?

எனக்கு சின்ன வயசிலே இருந்தே கவுண்டமணி சாரை ரொம்பப் பிடிக்கும். அவருடைய மிகப்பெரிய ரசிகன் நான். சந்தானம் சாரும் கவுண்டமணி சாருடைய பெரிய ரசிகர். அதனாலேயே இந்தத் தலைப்புகளாநானும் தேர்வு செய்யறேன். ‘டிக்கிலோனா’ படம் வெளியாகி ஓடிடியில் நல்ல வரவேற்பு. கவுண்டமணி சாரை சந்திச்சு பூங்கொத்து கொடுத்து ஆசீர்
வாதம் வாங்கினோம். ‘சார்... உங்க டயலாக்தான் தலைப்பாகவே வெச்சிருக்கோம்’ அப்படின்னு சொன்னோம்.

அதுக்கு சார் ‘அட என்னப்பா... உங்க டயலாக், எங்க டயலாக், எல்லாம் அந்தந்த படத்திலே வந்த டயலாக்தானே’ அப்படின்னு சொன்னார். இந்தப் படம் என்னன்னா... ஒரு கிராமம், அந்த கிராமத்துக்குப் பெயர் ‘வடக்குப்பட்டி’. அங்கே இருக்கும் ஒரு ராமசாமி. அதை அடையாளப்படுத்தத்தான் இந்தத் தலைப்பு.

என்ன கதை?

1974ம் ஆண்டு பீரியட், அதே சமயம் சென்னை... அப்போதைய மெட்ராஸில் கண் நோய் ஒண்ணு பரவுது. எல்லோரும் பீதியிலே இருக்காங்க. இந்த சமயத்தில் மூடநம்பிக்கைகளை நம்புகிற ஒரு கிராமம். அந்த நோய் தீவிரத்தைப் பயன்படுத்தி ராமசாமி என்கிற இளைஞன் எப்படி மக்களை ஏமாத்துகிறான், காசு சம்பாதிக்கிறான்... இதனுடைய முடிவு என்ன என்கிறதுதான் கதை.

ராமசாமியில் இத்தனை சர்ச்சைகள் இருக்கும்போது ஏன் அதை கையில் எடுத்தீர்கள்?