Must Watch

அடி

‘ஜீ 5’ல் பார்வைகளை அள்ளிக்கொண்டிருக்கும் மலையாளப்படம், ‘அடி’. திருமணத்தைப் பதிவு செய்துவிட்டு மனைவி கீதிகாவுடன் காரில் பயணித்துக்கொண்டிருக்கிறார் சஜீவ். தாலி கட்டுதல், திருமண வரவேற்பு என நிறைய நிகழ்வுகள் காத்திருக்கின்றன. இந்நிலையில் சஜீவ்வின் காரின் மீது மோதுவதைப் போல இரு சக்கர வாகனத்தில் வருகின்றனர் ஜோபியும், அவனது நண்பனும். காரை நிறுத்திவிட்டு, அவர்களை நோக்கி சத்தம் போடுகிறான் சஜீவ். கோபமடையும் ஜோ காரை நோக்கி வந்து கீதிகாவின் முன்பு சஜீவை அடித்துவிடுகிறான்.

அடிபட்ட சஜீவ் மருத்துவமனையில் அனுமதிக்கப்பட்டு சிகிச்சை பெறுகிறான். திருமண நிகழ்வுகள் நடக்கின்றன. ஆனால், அந்த அவமானத்திலிருந்து சஜீவ்வால் வெளியேற முடியவில்லை. ஜோபியைப் பழிவாங்கக் கிளம்புகிறான் சஜீவ். ஜோபிக்கும் சஜீவ்விற்கும் இடையிலான பிரச்னை எப்படி முடிவுக்கு வருகிறது என்பதே மீதிக்கதை.

இரண்டு ஆண்களுக்கு இடையிலான பிரச்னையை ஒரு பெண் எப்படி லாவகமாக தீர்த்து வைக்கிறாள் என்பதை நன்றாகப் பதிவு செய்திருக்கிறது இந்தப்படம்.
சஜீவ்வாக சைன் டாம் சாக்கோ வித்தியாசமான ஒரு நடிப்பைக் கொடுத்திருக்கிறார். படத்தின் இயக்குநர் பிரசோப் விஜயன்.

ஹாய் நான்னா

‘நெட்பிளிக்ஸி’ல் டாப் டிரெண்டிங் பட்டியலில் இடம்பிடித்திருக்கும் தெலுங்குப் படம், ‘ஹாய் நான்னா’. தமிழிலும் பார்க்க கிடைக்கிறது. மும்பையில் பிரபலமான ஃபேஷன் போட்டோகிராபராக வலம் வருகிறார் விராஜ். அவருக்கு ஆறு வயதில் மகி என்ற மகள் இருக்கிறாள். விராஜின் மனைவி அவர்களுடன் இல்லை. கடுமையான நோயினால் அவதிப்படுகிறாள் மகி. தினமும் ஒரு கதையைச் சொல்லி மகியை உறங்க வைக்கிறான் விராஜ். அம்மாவைப் பற்றிய கதையைக் கேட்டுக்கொண்டே இருக்கிறாள் மகி.

முதல் ரேங்க் எடுத்தால் அம்மாவைப் பற்றிய கதையைச் சொல்கிறேன் என்று மகியிடம் சொல்கிறான் விராஜ். மகியும் முதல் ரேங்க் எடுத்து அம்மாவின் கதையைக் கேட்க ஆவலுடன் இருக்கிறாள். ஆனால், கதையைச் சொல்லாமல் ஏமாற்றிவிடுகிறான். இந்நிலையில் வெளியே செல்லும் மகி, வீடு திரும்புவதில்லை. மகியைத் தேடிச் செல்கிறான் விராஜ். ஒரு ஆபத்திலிருந்து மகியைக் காப்பாற்றி தன்னுடன் வைத்திருக்கிறாள் இளம் பெண் யஷ்னா.

சில நிமிடங்களிலேயே யஷ்னாவும் மகியும் நண்பர்களாகிவிடுகின்றனர். யார் இந்த யஷ்னா, விராஜ் மகிக்கு அம்மாவின் கதையைச் சொன்னானா... போன்ற கேள்விகளுக்கு நெகிழ்ச்சியாக பதில் தருகிறது ‘ஹாய் நான்னா’. நெகிழ்ச்சியான இப்படத்தைக் கொடுத்திருக்கிறார் இயக்குநர் சௌர்யவ்.   

மங்களவாரம்

ஒரு வித்தியாசமான திரில்லிங் அனுபவம் வேண்டுமா? உங்களுக்காகவே ‘ஹாட்ஸ்டாரி’ல் வெளியாகியிருக்கிறது, ‘மங்களவாரம்’. தமிழ் டப்பிங்கில் காணக்கிடைக்கிறது இந்த தெலுங்குப்
படம். மகாலட்சுமிபுரம் எனும் ஒரு கிராமத்தில் படத்தின் கதை நிகழ்கிறது. 1996ம் வருடம். அந்த கிராமத்தில் உள்ள ஒரு சுவரில் எல்லோருக்கும் தெரிந்த இரண்டு நபர்கள் கள்ளத் தொடர்பில் இருப்பதாக ஒரு தகவல் எழுதி வைக்கப்படுகிறது. அடுத்த நாள் கள்ளத்தொடர்பில் இருந்த இரண்டு பேரும் தற்கொலை செய்துகொள்கின்றனர்.