மெத்தப் படித்த மேதாவிகளுக்கும் அடிப்படை அறிவுக்கும் தொடர்பில்லை என்பதற்கு இந்தச் சம்பவம் ஓர் உதாரணம். என்ன... இது பதற வைக்கும் நிகழ்வு என்பதுதான் நெஞ்சில் அறையும் சோகம்.ஆம். விவாகரத்தான கணவர், குழந்தையைப் பார்க்க வருவதை தவிர்க்க தன் நான்கு வயது குழந்தையைக் கொடூரமாக தாயே கொன்ற சம்பவம் நாடு முழுவதும் பெரும் அதிர்ச்சியை ஏற்படுத்தியுள்ளது.

கர்நாடக மாநிலம் பெங்களூருவைச் சேர்ந்த சுசனா சேத்துக்கு வயது 39. பெங்களூருவில் ஒரு ஏஐ நிறுவனத்தை உருவாக்கி அதன் தலைமை செயல் அதிகாரியாக இருக்கிறார். இந்த ஏஐ நிறுவனம் நான்கு ஆண்டுகளாக செயல்பட்டு வருகிறது. செயற்கை நுண்ணறிவுத் துறையில் உலகின் டாப் 100 பேரில் ஒருவர் சுசனா சேத் என்பது குறிப்பிடத்தக்கது.