அது, இந்திய சந்தையில் குழந்தைகளுக்கான பொம்மைகள் மற்றும் விளையாட்டுப் பொருட்கள்.

சீனப் பட்டாசு, சீன எலட்ரானிக் பொருட்கள், சீன மொபைல்கள் என்று ஏகப்பட்ட சீனப் பொருட்கள் இந்தியாவின் சந்து பொந்துகளில் எல்லாம் கோலோச்சிக் கொண்டிருக்கையில், பொம்மைகள் விஷயத்தில் சீனாவை அடித்துத் துவைத்திருக்கிறது இந்தியா. உள்நாட்டில் மட்டுமல்ல... வெளிநாடுகளிலும் என்பதுதான் ஹைலைட்.

இத்தோடு இந்திய சரித்திரங்களை குழந்தைகள் அறிந்து கொள்வதற்காக ஜான்சி ராணி கதை, நாட்டின் தலைவர்களின் கதைகள் என்று வரலாறுகளைச் சொல்லும் புதிர் விளையாட்டுகளையும் உற்பத்தி செய்திருக்கிறோம். மொத்தத்தில் வருடந்தோறும் சுமார் 100 விளையாட்டுகளையாவது புதிதாகக் கொண்டு வருகிறோம். எனவே எங்கள் தயாரிப்பு பொம்மை மற்றும் விளையாட்டுப் பொருட்களுக்கு எதிர்பார்த்ததை விட நல்ல வரவேற்பு கிடைக்கிறது.

தவிர அரசின் ஆதரவால் இந்திய பொம்மைகளின் விலை, சீன டாய்ஸ்களை விட மலிவாக இருக்கிறது. அத்துடன் இந்திய பொருட்கள் இன்று குக்கிராமம் உட்பட அனைத்து இடங்களிலும் விற்பனைக்கு வைக்கப்பட்டுள்ளது. நீங்கள் தேடிச் செல்ல வேண்டியதில்லை. உங்களைத் தேடி இந்திய பொம்மைகளும் விளையாட்டுப் பொருட்களும் வருகின்றன. இது மிகப்பெரிய ப்ளஸ்.