இந்தியாவில் உள்ள பல முக்கிய நகரங்களில் வசிப்பவர்கள் இப்பொழுதெல்லாம் வார இறுதியில் செலிபிரேஷன் மோடுக்கு செல்லத் தொடங்கிவிட்டார்கள். இந்த கொண்டாடட்டம் வெள்ளி இரவு தொடங்கி ஞாயிறு மதியம் வரை நீள்கிறது. இந்நிலையில் வீக் எண்ட் கொண்டாட்டம் என்றால் ‘பப்’ கலாசாரம் என்பதை மாற்றி அமைத்துள்ளது ரெஸ்டோபார் உணவகங்கள்.

பொதுவா இது மாதிரி உணவகங்களுக்கு குடும்பமாதான் வருவாங்க. அப்படி வர்றவங்களுக்கு தரமான ஆரோக்கியமான உணவை வழங்கணும். அதேநேரம் எல்லா உணவிலும் எங்க சிக்னேச்சர் இருக்கணும்னு தீர்மானிச்சோம். இப்படியெல்லாம் உணவை கொடுக்க முடியுமானு மக்கள் வியக்கணும்னு ஓர் ஆசை!ஓர் உணவை எடுத்துக்கிட்டா அதை ரீகிரியேட்தான் செய்வாங்க. நாங்க அப்படி இல்லாம ஒரு புதிய மெனுவை வடிவமைச்சோம்.

ஒவ்வொரு உணவையும் புதுசா அமைச்சோம். இதுக்காகவே சிறப்பு செஃப் தலைமைல குழுவை டிசைன் செய்தோம். உணவுத் துறைலயே வெளியே தெரியாத திறமைசாலிங்க இருக்காங்க. அவங்களுக்கு வாய்ப்பு கொடுத்தோம். அந்த ஜெம் செஃப்கள்தான் இன்று எங்கள் பிளஸ்...’’ என்று சொல்லும் அரவிந்த், சிறு வயது முதலே தனக்கு கற்றுக்கொள்ள பிடிக்கும் என்றும், அதுவே இன்று இந்த உணவகத்தை நடத்த உதவுகிறது என்கிறார்.

இதையெல்லாம் நானும் செஃப் கார்த்திக்கும் டிஸ்கஸ் செய்வோம். செய்து பார்த்து கடைசியா ரெசிபியை டிக் செய்வோம். இப்படித்தான் எங்க உணவகத்துக்கான ஸ்பெஷல் மெனுவை உருவாக்கியிருக்கோம். மூன்று விதமா இந்த உணவகத்தை வடிவமைச்சிருக்கோம். முதல் தளம் ரெ்ஸ்டோபார் உணவகம். இரண்டாவது தளம், டான்சிங் ஃபுளோர். மூன்றாவது ரூஃப் டாப். அங்க வைன் அண்ட் டைன் பரிமாறப்படும்.

அதற்கான உணவுகள் மட்டும் ஐரோப்பிய முறைல கொடுக்க முடிவு செய்திருக்கோம். இரண்டு மாதங்கள்ல அது செயல்பாட்டுக்கு வந்துடும்.அடுத்து 60 அறைகள், பார்ட்டி ஹால், பேன்க்கே ஹால் வசதிகொண்ட 3 அல்லது 5 ஸ்டார் ஹோட்டல் ஒண்ணை ஆரம்பிக்கும் திட்டமிருக்கு...’’ என அரவிந்த் முடிக்க, தொடர்ந்தார் செஃப் கார்த்திக்.

மூலி மீட்ஸ் மாரி - மூலினா தேங்காய், பச்சை மிளகாய் மற்றும் மஞ்சள் தூள் சேர்த்து செய்யப்படும் கேரள சாஸ். கேரளால கிடைக்கக் கூடிய ஒருவகை மீன்தான் மாரி. இந்த மீனை சாசில் மேரினேட் செஞ்சு கிரில் செய்து தேங்காய் சாதத்துடன் சேர்த்து கொடுப்போம்.

பார்க்க கான்டினென்டல் உணவு மாதிரி இருந்தாலும் நம்மூர் ஃப்ளேவர்களை இதுல சேர்த்திருக்கோம்.  எங்களின் அடுத்த ஸ்பெஷல் உணவு, ஓயோ ஹாப்பி ஷேரிங். இரண்டு பேர் தாராளமா சாப்பிடக்கூடிய உணவு. கிராக்ட் பிரட், பிரட் ஸ்லைஸ் மேல வறுத்து இடித்த பூண்டு, இத்தாலியன் சீஸ் மற்றும் சிக்கன் சேர்த்து பேக் செய்து கொடுப்போம். பிரட்டை சீஸுடன் சாப்பிடறப்ப சுவையா இருக்கும்.