பல வருடங்களாக ஐஎம்டிபி தளத்தில் முதல் இடத்தில் இருக்கும் படம், ‘தி ஷஷாங்க் ரிடம்ப்ஷன்’. சமீபத்தில் ‘நெட்பிளிக்ஸி’ல் வெளியாகி சக்கைப்போடு போட்டுக்கொண்டிருக்கிறது இந்த ஆங்கிலப்படம். மனைவியையும் அவளின் காதலனையும் கொலை செய்துவிட்டான் என்று குற்றம் சுமத்தப்பட்டு சிறையில் அடைக்கப்படுகிறான் ஆன்டி.

நீதிமன்றம் அவனுக்கு இரட்டை ஆயுள் தண்டனையை வழங்குகிறது. சிறையில் ரெட் என்ற நண்பன் கிடைக்கிறான். வங்கி வேலைகளில் கைதேர்ந்தவன் ஆன்டி. அதை அறிந்த சிறை அதிகாரிகள் தங்களின் கருப்புப் பணத்தை வெள்ளை ஆக்குவதில் ஆன்டியைப் பயன்படுத்துகிறார்கள். ஆன்டியும் வேறு வழியில்லாமல் சிறை அதிகாரிகளின் வரி ஏய்ப்புக்கு உதவுகிறான்.